- Махтаннган къыз, тойда джукълар.
- Чомартны къолун джокълукъ байлар.
- Юре билмеген ит, къонакъ келтирир.
- Ханнга да келеди хариблик.
- Окъуусуз билим – джокъ, билимсиз кюнюнг – джокъ.
- Айтханы чапыракъдан ётмеген.
- Татлы сёз – балдан татлы.
- Адеб джокъда, намыс джокъ.
- Алтыннга тот къонмаз.
- Ашын ашагъанынгы, башын да сыйла.
- Бети къызарыучу адамны, джюреги харам болмаз.
- Ариу сёз джыланны орнундан чыгъарыр.
- Джумушакъ терекни къурт ашар.
- Кёб джат да, бек чаб.
- Джерни букъусу кёкге къонмаз.
- Чомарт джарлы болмаз.
- Рысхысына кёре, джаш ёсер, къышлыгъына кёре, мал ёсер.
- Таякъ этден ётер, тил сюекден ётер.
- Орундукъ тюбюнде атылсам да, орта джиликме, де да айлан.
- Этни да ашады, бетни да ашады.
- Кёл ашады да, кеси ашады.
- Джарлы эскисин джамаса, къууаныр.
- Кёлю джокъну – джолу джокъ.
- Къар – келтирди, суу – элтди.
- Таула не мийик болсала да, аууш табылыр.
- Сабыр джетер муратха, сабырсыз къалыр уятха.
- Къонакъны къачан кетерин сорма, къачан келлигин сор.
- Соргъан айыб тюлдю, билмеген айыбды.
- Айран тёгюлсе, джугъусу къалыр.
- Башы джабылгъан челекге, кир тюшмез.
- Ашхы атаны – джашы ашхы, ашхы ананы – къызы ашхы.
- Орну джокъну – сыйы джокъ.
- Рысхы джалгъанды: келген да этер, кетген да этер.
- Джаханимни кёрмей, джандетге кёл салмазса.
- Къызны минг тилер, бир алыр.
- Тил – кесген бычакъ, сёз – атылгъан окъ.
- Адамны джюреги нени кёрюрге сюйсе, кёзю да аны кёрюрге ёч болады.
- Магъанасыз сёз – тауушсуз сыбызгъы.
- Айныгъанлы алты кюн, тогъайгъанлы тогъуз кюн.
- Ойнай-ойнай кёз чыгъар.
- Халкъны юйю – туугъан джери.
- Ашарыкъда сайлагъаннга – чий гырджын.
- Аллахдан тилесенг, кёб тиле.
- Аш берме да, къаш бер.
- Аз сёлешген, къайгъысыз турур.
- Итли къонакъ джарашмаз.
- Кюн – узун, ёмюр – къысха.
- Джаралыны джастыгъында сау ёлюр.
- Аман адамны тепсинге олтуртсанг, къызынгы тилер.
- Аманны тукъумуна къарама, игини тукъумун сорма.
Ошибка!
Для просмотра темы введите ваши логин и пароль.Пожалуйста, авторизуйтесь: