- Гугук кесини атын айтыб къычыргъанча, мен, мен деб нек тураса?
- Татлы сёз – балдан татлы.
- Ачылгъан эт джабылыр, кёрген кёз унутмаз.
- Ёлмесенг да, къарт дамы болмазса?
- Битмегеннге сакъал – танг.
- Тас болгъан бычакъны сабы – алтын.
- Агъач халкъгъа алтынды, иссиликге салкъынды.
- Атадан ёксюз – бир ёксюз, анадан ёксюз – эки ёксюз.
- Айныгъанлы алты кюн, тогъайгъанлы тогъуз кюн.
- Танг атмайма десе да, кюн къоярыкъ тюйюлдю.
- Чомарт джарлы болмаз.
- Джетген къыз джерли эшекни танымаз.
- Суугъа – чабакъ, къаягъа – ыргъакъ.
- Ат басханны джер билед.
- Насыблы элин сюер, насыбсыз кесин сюер.
- Терслик кетер, тюзлюк джетер.
- Уллу къазанда бишген эт, чий къалмаз.
- Чомартны къолун джокълукъ байлар.
- Адебсиз адам – джюгенсиз ат.
- Джылкъыдан – ат чыгъар, тукъумдан – джаш чыгъар.
- Сибиртки да сыйлы болду, кюрек да кюнлю болду.
- Айтхан – тынч, этген – къыйын.
- Окъугъан озар, окъумагъан тозар.
- Кимни – тили, тиши онглу, кимни – къолу, иши онглу.
- Чарсда алчыны эл кёреди.
- Чыкълы кюнде чыкъмагъан, чыкъса къуру кирмеген.
- Тилде сюек болмаса да, сюек сындырыр.
- Эркишини аманы тиширыуну джылатыр.
- Эртде тургъан бла эртде юйленнген сокъуранмаз.
- Уллу айтханны этмеген – уллаймаз.
- Эм ашхы къайын ана мамукъ бла башынгы тешер.
- Эринчекни аурууу – кёб.
- Къонакъ аман болса, къонакъбай джунчур
- Джырына кёре эжиую.
- Олтуруб кёрюнмей эди да, ёрге туруб кёрюне эди.
- Къарнынг бла ёч алма.
- Гырджын – тепсини тамадасы.
- Билим – акъылны чырагъы.
- Тик ёргени, тик энгишгеси да болады.
- Айырылмаз джууугъунга, унутмаз сёзню айтма.
- Акъылсызны джууукъгъа алма, акъыллыны кенгнге салма.
- Билимсиз иш бармаз.
- Аманнга игилик этсенг, юйюнге сау бармазса.
- Суу да къайтады чыкъгъан джерине.
- Джашны джигитлиги сорулур, къызны джигерлиги сорулур.
- Ышармагъан – кюлмез, кюлмеген – къууанчны билмез.
- Чомарт къолда мал къалмаз.
- Ишин билген, аны сыйын чыгъарады.
- Юй ишлеген балта эшикде къалыр.
- Ач къалгъандан, кеч къалгъан къолай.
Ошибка!
Для просмотра темы введите ваши логин и пароль.Пожалуйста, авторизуйтесь: