- Джырына кёре эжиую.
- Ким бла джюрюсенг, аны кёзю бла кёрюнюрсе.
- Этек чакъмакълары баш джаргъан, сёлешген сёзлери таш джаргъан.
- Илму – джашауну джолу.
- Киштикге къанат битсе, чыпчыкъ къалмаз эди.
- Онгсузну – джакъла, тенгликни – сакъла.
- Къарт айтханны этмеген, къартаймаз.
- Къартны сыйын кёрмеген, къартлыгъында сыйлы болмаз.
- Къонакъ хазыр болгъанлыкъгъа, къонакъбай хазыр тюлдю.
- Биреуню къыйынлыгъы бла кесинге джол ишлеме.
- Тойгъан джерге джети къайт.
- Ёлюр джаннга, ёкюл джокъ.
- Элни кючю – эмеген.
- Къууут – джелге, берне – бошха.
- Чыбыкълыкъда бюгюлмеген, къазыкълыкъда бюгюлмей эди.
- Таукел къуру къалмаз.
- Юйюнгден чыкъдынг – кюнюнгден чыкъдынг.
- Асхат ашлыкъ сата, юйдегиси ачдан къата.
- Келлик заман – къартлыкъ келтирир, кетген заман – джашлыкъ ёлтюрюр.
- Кёл – къызбай, къол – батыр.
- Чомарт къонакъ юй иесин сыйлар.
- Сагъышы джокъ – джукъучу, акъылы джокъ – къаугъачы.
- Айырылгъанланы айю ашар, бёлюннгенлени бёрю ашар.
- Туз, гырджын аша, тюзлюк бла джаша.
- Ариу сёз – джаннга азыкъ, аман сёз – башха къазыкъ.
- Джаш къарыу бла кючлю, къарт акъыл бла кючлю.
- Арыгъан къош чамчы болур.
- Джерни букъусу кёкге къонмаз.
- Байлыкъ келсе, акъыл кетер.
- Ёлген аслан – сау чычхан.
- Тюзлюк тас болмайды.
- Эки къатын алгъанны къулагъы тынгнгаймаз.
- Джылкъыдан – ат чыгъар, тукъумдан – джаш чыгъар.
- Абынмазлыкъ аякъ джокъ, джангылмазлыкъ джаякъ джокъ.
- Кёл ашады да, кеси ашады.
- Тилсиз миллет джокъ болур.
- Миллетни бойну – базыкъ, аны бла кюрешген – джазыкъ.
- Рысхы джалгъанды: келген да этер, кетген да этер.
- Башынга джетмегенни сорма.
- Сакъламагъан затынга джолукъсанг, не бек къууанаса, не бек ачыйса.
- Тойгъан антын унутур.
- Сёз сёзню айтдырыр.
- Чабар ат – джетген къыз.
- Къанны къан бла джуума, аманны аман бла къуума.
- Ачлыкъ отха секиртир.
- Орну джокъну – сыйы джокъ.
- Сютню башын джалагъан къутулур, тюбюн ичген тутулур.
- Чомартха хар кюн да байрамды.
- Ойнай билмеген, уруб къачар.
- Джаным-тиним – окъуу, билим.
Ошибка!
Для просмотра темы введите ваши логин и пароль.Пожалуйста, авторизуйтесь: