- Билимли ёлмез, билимсиз кёрмез.
- Иги сёз – джаннга азыкъ, аман сёз башха – къазыкъ.
- Тынгылагъан тынгы бузар.
- Аман къатын сабий табса, бий болур…
- Джаралыны джастыгъында сау ёлюр.
- Ата Джуртун танымагъан, атасын да танымаз.
- Айран тёгюлсе, джугъусу къалыр.
- Окъугъан – асыу, окъумагъан – джарсыу.
- Миллетни бойну – базыкъ, аны бла кюрешген – джазыкъ.
- Ариу сёз – къылычдан джити.
- Аманнга да, игиге да оноусуз къатышма.
- Ауругъан – джашаудан умутчу.
- Аманнга игилик этсенг, юйюнге сау бармазса.
- Къарт бла баш аша, джаш бла аякъ аша.
- Эрни эр этерик да, къара джер этерик да, тиширыуду.
- Аурууну келиую тынч, кетиую – къыйын.
- Чакъырылмагъан къонакъ къачан кетерин сормаз.
- Ач бёрюге мекям джокъ.
- Сютню башын джалагъан къутулур, тюбюн ичген тутулур.
- Акъыллы эркиши атын махтар, акъылсыз эркиши къатынын махтар.
- Насыб бютеу халкъны юлюшюдю.
- Ариуну – ауруу кёб.
- Ашлыкъ – бюртюкден, джюн – тюкден.
- Малны кют, джерни тюрт.
- Керек ташны ауурлугъу джокъ.
- Махтаннган къыз, тойда джукълар.
- Эшекге миннген – биринчи айыб, андан джыгъылгъан – экинчи айыб.
- Кёкдеги болмаса, джердегин кёрмейди.
- Эшекни не къадар тюйсенг да, ат болмаз.
- Чакъырылмагъан джерге барма, чакъырылгъан джерден къалма.
- Кёз – сюйген джерде, къол – ауругъан джерде.
- Кёл ашады да, кеси ашады.
- Тели турса – той бузар.
- Рысхы – насыбха къор.
- Тыш элде солтан болгъандан эсе, кесинги элде олтан болгъан игиди!
- Аманны къуугъан, аманлыкъ табар.
- Игилик игилик бла сингдирилиучю затды.
- Мухардан ач ычхынмаз.
- Ёлген аслан – сау чычхан.
- Ётюрюкню къуйругъу – бир тутум.
- Башланнган иш битер, къымылдагъан тиш тюшер.
- Къонакъ болсанг, ийнакъ бол.
- Узун джолну барсанг, бюгюн келирсе, къысха джолну барсанг, тамбла келирсе.
- Чомартха хар кюн да байрамды.
- Ётюрюкден тюбю джокъ, кёлтюрюрге джиби джокъ.
- Тёрдеги кюлсе, эшикдеги ышарыр.
- Кёзню ачылгъаны – иги, ауузну джабылгъаны – иги.
- Мен да «сен», дейме, сен да «кесим», дейсе.
- Къыйынлы джети элге оноу этер.
- Къыйынлы джети элни къайгъысын этер.
Ошибка!
Для просмотра темы введите ваши логин и пароль.Пожалуйста, авторизуйтесь: