- Тёрде – темир таякълы, къаяда – чыпчыкъ аякълы.
- Эркишини аманы тиширыуну джылатыр.
- Тыш элде солтан болгъандан эсе, кесинги элде олтан болгъан игиди!
- Чалманны аллы къалай башланса, арты да алай барады.
- Гыдай эчки суугъа къараб, мюйюзле кёрмесе, джашма алкъын, дегенди.
- Эм ашхы къайын ана мамукъ бла башынгы тешер.
- Къызбайны юйюне дери сюрсенг, батыр болур.
- Джетген къыз джерли эшекни танымаз.
- Агъач – джерни чырайы, кийим – эрни чырайы.
- Эки къатын алгъан – эки ташны ортасына башын салгъан.
- Ашхылыкъ джерде джатмайды, аманлыкъ суугъа батмайды.
- Адам боллукъ, атламындан белгили болур.
- Уруну арты – къуру.
- Шайтан алдады, тюзлюк къаргъады.
- Джумушакъ сёз къаты таякъны сындырыр.
- Къарыусузгъа кюлме, онгсузгъа тийме.
- Уллу атлама – абынырса, уллу къабма – къарылырса.
- Ата Джуртча джер болмаз, туугъан элча эл болмаз.
- Джан саулукъ бермей, сан саулукъ бермезсе.
- Зарда марда джокъ.
- Тилчиден кери бол.
- Иги – алгъыш этер, аман – къаргъыш этер.
- Ишлерге уял да, ашаргъа табма.
- Алтыннга тот къонмаз.
- Къралынгы – душмандан, башынгы от бла суудан сакъла.
- Хар адамгъа кеси миннген тау кибик.
- Бёрю да ач къалмасын, эчки да ашалмасын.
- Арпа, будай – ащды, алтын, кюмюш а – ташды.
- Ашхы адам – халкъ байлыгъы, ашхы джер – джашау байлыгъы.
- Тёзген – тёш ашар!
- Ишге юренсин къоллары, халкъ бла болсун джоллары.
- Эр сокъур болсун, къатын тилсиз болсун.
- Байны къызы баймакъ болса да, юйде къалмаз!
- Адебсиз адам – джюгенсиз ат.
- Джерни букъусу кёкге къонмаз.
- Адебни адебсизден юрен.
- Ач къарынны, токъ билмез
- Терслик кетер, тюзлюк джетер.
- Ана къойну – балагъа джандет.
- Ашына кёре табагъы, балына кёре къалагъы.
- Тюз сёз баргъан сууну тыяр.
- Ёгюзню мюйюзлери ауурлукъ этмейдиле.
- Тенгинг джокъ эсе – изле, бар эсе – сакъла!
- Ата джурт – алтын бешик.
- Иги адам абынса да, джангылмаз.
- Тик ёргени, тик энгишгеси да болады.
- Мал кёб болса, джууукъ кёб болур.
- Аууз сакълагъан – джан сакълар.
- Уллу суу бла уллу ауруудан башынгы сакъла.
- Къолу уллу – асыу, аягъы уллу – джарсыу.
Ошибка!
Для просмотра темы введите ваши логин и пароль.Пожалуйста, авторизуйтесь: