- Къолунгдан къуймакъ ашатсанг да, атаны борчундан къутулмазса.
- Зар адамны насыбы болмаз.
- Узун джолну барсанг, бюгюн келирсе, къысха джолну барсанг, тамбла келирсе.
- Сабыр джетер муратха, сабырсыз къалыр уятха.
- Мухарны эси – ашарыкъда.
- Аз айтсам, кёб ангылагъыз.
- Хатерли къул болур.
- Чакъырылмагъан къонакъ тёрге атламаз.
- Къонакъ хазыр болгъанлыкъгъа, къонакъбай хазыр тюлдю.
- Бети къызарыучу адамны, джюреги харам болмаз.
- От этилмеген джерден тютюн чыкъмайды.
- Тюкюрюк баш джармаз, налат кёз чыгъармаз!
- Кийимни бир кюнню аясанг, минг кюннге джарар.
- Айтылгъан сёз ызына къайтмаз.
- Юреннген ауруу къалмаз.
- Джуртун къоругъан озар.
- Сагъыш – къартлыкъгъа сюйюмчю.
- Джан саулукъ бермей, сан саулукъ бермезсе.
- Ата Джуртун танымагъан, атасын да танымаз.
- Тыш элде солтан болгъандан эсе, кесинги элде олтан болгъан игиди!
- Аман адамны тепсинге олтуртсанг, къызынгы тилер.
- Айран тёгюлсе, джугъусу къалыр.
- Кёл – къызбай, къол – батыр.
- Юре билмеген ит, къонакъ келтирир.
- Хансыз джомакъ болмаз.
- Джаханимни кёрмей, джандетге кёл салмазса.
- Окъуусуз билим – джокъ, билимсиз кюнюнг – джокъ.
- Къуллукъчума, деб махтанма, къуллукъ – хаух джамчыды!
- Джогъун бар этген, барын бал этген.
- Биреу къой излей, биреу той излей.
- Аз сёлешген, къайгъысыз турур.
- Юйюнгден чыкъдынг – кюнюнгден чыкъдынг.
- Джангызны оту джарыкъ джанмаз!
- Джетген къыз джерли эшекни танымаз.
- Кёб ант этген, кёб ётюрюк айтыр.
- Ойнай-ойнай кёз чыгъар.
- Аманнга игилик этсенг, юйюнге сау бармазса.
- Этни бети бла шорпасы.
- Ауругъан – джашаудан умутчу.
- Ётюрюк хапар аякъ тюбю бла джюрюйдю.
- Мени джылытмагъан кюн, меннге тиймесин!
- Дуния мал дунияда къалады.
- Эркишини аманы тиширыуну джылатыр.
- Чакъырылмагъан къонакъ – орунсуз.
- Ойнаб айтсанг да, эслеб айт.
- Ишленмеклик адамлыкъды.
- Харам къарнашдан, халал тенг ашхы.
- Тойгъан джерге джети къайт.
- Ашына кёре табагъы, балына кёре къалагъы.
- Ишин билген, аны сыйын чыгъарады.
Ошибка!
Для просмотра темы введите ваши логин и пароль.Пожалуйста, авторизуйтесь: