- Джылыгъа джылан илешир.
- Шайтан алдады, тюзлюк къаргъады.
- Суу ичген шауданынга тюкюрме.
- Бойнуму джети джерден кессенг да, мен ол ишни этеллик тюлме.
- Байлыкъ келсе, акъыл кетер.
- Джарлы джети элни сёзюн этер.
- Эртде тургъан джылкъычыны эркек аты тай табар.
- Ашарыкъда сайлагъаннга – чий гырджын.
- Бети къызарыучу адамны, джюреги харам болмаз.
- Къарт бла баш аша, джаш бла аякъ аша.
- Кийимни бичсенг, кенг бич, тар этген къыйын тюлдю.
- Сагъышы джокъ – джукъучу, акъылы джокъ – къаугъачы.
- Ариу сёз – къылычдан джити.
- Бал ашаргъа сюе эсенг, чибин ургъаннга тёз.
- Къартха ушагъан джаш – акъыллы, джашха ушагъан къарт – тели.
- Мал тутхан – май джалар.
- Сёз сёзню айтдырыр.
- Босагъа таш юйге кирмей эди, тыбыр таш эшикге чыкъмай эди.
- Таукелге нюр джауар.
- Иги – алгъыш этер, аман – къаргъыш этер.
- Ханы къызы буюгъа-буюгъа киштик болду.
- Тойну къарнашы – харс, джырны къарнашы – эжиу.
- Ач къалгъандан, кеч къалгъан къолай.
- Сютню башын джалагъан къутулур, тюбюн ичген тутулур.
- Кенгеш болса, уруш болмаз.
- Акъыллы эркиши атын махтар, акъылсыз эркиши къатынын махтар.
- Таукел къуру къалмаз.
- Ашда – бёрю, ишде – ёлю.
- Чёбню кёлтюрсенг, тюбюнден сёз чыгъар.
- Тойгъа алгъа да барма, тойда артха да къалма.
- Ётген ёмюр – акъгъан суу.
- Сёз садакъдан кючлюдю.
- Джашлыкъ этмеген, башлыкъ этмез.
- Эки ойлашыб, бир сёлешген.
- Билим къая тешер.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Тюзлюк тас болмайды.
- Ашхы – джыяр, аман – джояр.
- Эки элинги тыйсанг, джети элде махталырса.
- Джарлыны тону джаз битер.
- Джолда аягъынга сакъ бол, ушакъда тилинге сакъ бол.
- Бетинги сатма, малынгы сат.
- Тенги кёбню джау алмаз, акъылы кёбню дау алмаз.
- Дуния аламаты сен эсенг да, игиме деб айтма.
- Артына баргъанны, къатына барма.
- Кюн – узун, ёмюр – къысха.
- Тюзлюк шохлукъну бегитир.
- Зарда марда джокъ.
- Къатын байлыкъны сюер, эр саулукъну сюер.
- Къыйынлы джети элни къайгъысын этер.
Ошибка!
Для просмотра темы введите ваши логин и пароль.Пожалуйста, авторизуйтесь: