- Ачлыкъ отха секиртир.
- Окъумагъан сокъурду, сокъур ташха абыныр!
- Аллахдан тилесенг, кёб тиле.
- Кюлме джашха – келир башха.
- Чомартны къолу берекет.
- Сабий кёргенин унутмаз.
- Аманны эки битли тону болур, бирин сеннге кийдирир, бирин кеси киер.
- Ёксюзню тилеги къабыл болур.
- Кёбню кёрген – кёб билир.
- Арбаз къынгырды да, ийнек сауалмайма.
- Ёпкелегенни ашы татлы болады.
- Джыланны къуйругъундан басарынг келсе, аны башы болгъанын унутма.
- Эрни эр этерик да, къара джер этерик да, тиширыуду.
- Къазанчы аман болса, къазаны къайнамаз.
- Хар зат кесини орнуна иги.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Окъуу – билимни ачхычы, окъуу – дунияны бачхычы.
- Къонакъ аз олтурур, кёб сынар.
- Ойнай билмеген, оюн бузар.
- Арпа, будай – ащды, алтын, кюмюш а – ташды.
- Джаш болсун, къыз болсун, акъылы, саны тюз болсун.
- Аманны тукъумуна къарама, игини тукъумун сорма.
- Орундукъ тюбюнде атылсам да, орта джиликме, де да айлан.
- Чакъырылмай келген къонакъ сыйланмай кетер.
- Чомарт бергенин айтмаз.
- Эли джокъну – кёлю джокъ.
- Аджалсыз ёлюм болмаз.
- Къатын байлыкъны сюер, эр саулукъну сюер.
- Къазанны башы ачыкъ болса, итге уят керекди.
- Айтхан – тынч, этген – къыйын.
- Аман киши кеси юйюнде – къонакъ.
- Кёзню ачылгъаны – иги, ауузну джабылгъаны – иги.
- Акъыл къартда, джашда тюйюлдю – башдады.
- Махтаннган къыз, тойда джукълар.
- Адам сёзге тынгыла, акъыл сёзню ангыла.
- Аман адам элни бир-бирине джау этер.
- Аш кетер да бет къалыр.
- Сёз къанатсыз учар.
- Сабийликде юретмесенг, уллу болса – тюзелмез.
- Этек чакъмакълары баш джаргъан, сёлешген сёзлери таш джаргъан.
- Айтылгъан буйрукъ, сёгюлмез
- Аууз сакълагъан – джан сакълар.
- Чомартха хар кюн да байрамды.
- Ариуну – ауруу кёб.
- Къазанда болса, чолпугъа чыгъар.
- Къарт болгъан джерде, берекет болур, сабий болгъан джерде, оюн болур.
- Окъдан джара эртде-кеч болса да бителир, сёз джара, ёмюрге къалыр.
- Башы ишлегенни, ауузу да ишлер.
- Башы джабылгъан челекге, кир тюшмез.
- Чабакъ башындан чирийди.
Встреча в Эльбе - Нальчик с Ахматом Созаевым
Читают тему (гостей: 1)