- Ётюрюкден тюбю джокъ, кёлтюрюрге джиби джокъ.
- Арба аугъандан сора, джол кёргюзтюучю кёб болур.
- Ёзденликни джайгъан – джокълукъ.
- Намыс сатылыб алынмайды.
- Къонакъны къачан кетерин сорма, къачан келлигин сор.
- Къазанда болса, чолпугъа чыгъар.
- Иги сеники эсе да, сюйген кесимикин этеме.
- Экеу тутушса, биреу джыгъылыр.
- Къартха ушагъан джаш – акъыллы, джашха ушагъан къарт – тели.
- Элиб деген, элге болушур.
- Ётюрюкню башын керти кесер.
- Джерни букъусу кёкге къонмаз.
- Кёкдеги болмаса, джердегин кёрмейди.
- Суу кетер, таш къалыр.
- Джаш къарыу бла кючлю, къарт акъыл бла кючлю.
- Таугъа чыгъаллыкъ эсенг, тюзде къалма.
- Тели турса – той бузар.
- Аманны къуугъан, аманлыкъ табар.
- Адебсиз адам – джюгенсиз ат.
- Тойгъан джерден туугъан джер игиди.
- Джигер – джаннга къыйынлыкъ.
- Къралынгы – душмандан, башынгы от бла суудан сакъла.
- Тюзлюк шохлукъну бегитир.
- Ашлыкъ – бюртюкден, джюн – тюкден.
- Окъугъанны бети джарыкъ.
- Эшекни не къадар тюйсенг да, ат болмаз.
- Акъыллы айтыр эди, акъылсыз къоймайды.
- Аманнга игилик этсенг, юйюнге сау бармазса.
- Сагъышы джокъ – джукъучу, акъылы джокъ – къаугъачы.
- Кийиминг бла танылма, адамлыкъ бла таныл.
- Ёмюрлюк шохлукъну джел элтмез.
- Этни да ашады, бетни да ашады.
- Хата – гитчеден.
- Тынгылагъан тынгы бузар.
- Насыблы элин сюер, насыбсыз кесин сюер.
- Къошда джокъгъа – юлюш джокъ.
- Байлыкъдан саулукъ ашхыды.
- Эртде тургъан джылкъычыны эркек аты тай табар.
- Тёрдеги кюлсе, эшикдеги ышарыр.
- Къумурсхала джыйылсала, пилни да джыгъадыла.
- Керек ташны ауурлугъу джокъ.
- Алтыда кюлмеген, алтмышда кюлмез.
- Ана кёлю – балада, бала кёлю – талада.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Билмезни кёзю кёрмез, этмезни къулагъы эшитмез.
- Дуния мал дунияда къалады.
- Айраннга суу къош, телиге джол бош.
- Уллу атлама – абынырса, уллу къабма – къарылырса.
- Ачны эсинде – аш.
- Айырылмаз джууугъунга, унутмаз сёзню айтма.
фамильная, родовая символика (гербы, тавр, тамги)
Читают тему (гостей: 1)