- Иги адам абынса да, джангылмаз.
- Билмезни кёзю кёрмез, этмезни къулагъы эшитмез.
- Аманны эки битли тону болур, бирин сеннге кийдирир, бирин кеси киер.
- Сууда джау джокъ, кёб сёзде магъана джокъ.
- Къулакъдан эсе, кёзге ышан.
- Ашхы адам – халкъ байлыгъы, ашхы джер – джашау байлыгъы.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Тойгъа алгъа да барма, тойда артха да къалма.
- Бетинги сатма, малынгы сат.
- Кюн – узун, ёмюр – къысха.
- Мал кёб болса, джууукъ кёб болур.
- Эрине къаргъыш этген къатын, эрнин къабар.
- Айтхан – тынч, этген – къыйын.
- Джюрек кёзден алгъа кёрюр.
- Аман къатын алгъан, арыр, иги къатын алгъан джарыр.
- Алтыннга тот къонмаз.
- Айтылгъан буйрукъ, сёгюлмез
- Тынгылагъан тынгы бузар.
- Эки къатын алгъанны къулагъы тынгнгаймаз.
- Къатын къылыкъсыз, эр тынчлыкъсыз.
- Ёлген ийнек сютлю болур.
- Чомартны къолун джокълукъ байлар.
- Биреуню эскиси биреуге джангы болмайды.
- Ашаса, ашамаса да, бёрюню ауузу – къан.
- Къатын байлыкъны сюер, эр саулукъну сюер.
- Джылыгъа джылан илешир.
- Аз сёлеш, кёб ишле.
- Адам боллукъ, атламындан белгили болур.
- Гитче джилтин уллу элни джандырыр.
- Къатыны харакетли болса, эри къымсыз болур.
- Уясында не кёрсе, учханында аны этер.
- Къартха ушагъан джаш – акъыллы, джашха ушагъан къарт – тели.
- «Ёгюз, джаргъа джууукъ барма, меннге джюк боллукъса», - дегенди эшек.
- Суу кетер, таш къалыр.
- Аман киши кеси юйюнде – къонакъ.
- Къызгъанчдан ычхыныр, мухардан ычхынмаз.
- Эркиши – от, тиширыу – суу.
- Шекер бла туз – бир болмаз, ушамагъан – юй болмаз.
- Къартны бурнун сюрт да, оноугъа тут.
- Дуния малгъа сатылма, кесингден телиге къатылма.
- Шайтан алдады, тюзлюк къаргъады.
- Азыкъ аз болса, эртде орун сал.
- Юйюнг бла джау болгъандан эсе, элинг бла джау бол.
- Джарлы тюеге минсе да, ит къабар.
- Тойгъа барсанг, тоюб бар, эски тонунгу къоюб бар.
- Джолда аягъынга сакъ бол, ушакъда тилинге сакъ бол.
- Оюмсуз атлагъан, аджалсыз ёлюр.
- Азыкълы ат арымаз, къатыны аман джарымаз.
- Ким бла джюрюсенг, аны кёзю бла кёрюнюрсе.
- Нёгер болсанг, тенг бол, тенг болмасанг, кенг бол.
[ Закрыто ] хороший концерт
|
муссаулу
Я у нас в городе тоже видел объявления! |
||||
|
|
|
|||
Читают тему (гостей: 1)