- Ауузу бла къуш тута айланады.
- Чомартны къолу берекет.
- Ёпкелегенни ашы татлы болады.
- Сагъышы джокъ – джукъучу, акъылы джокъ – къаугъачы.
- Эртде тургъан бла эртде юйленнген сокъуранмаз.
- Къонагъынгы артмагъын алма да, алгъышын ал.
- Чакъырылмагъан къонакъ тёрге атламаз.
- Джырына кёре эжиую.
- Айранын берсенг, челегин да къызгъанма.
- Ана къолу ачытмаз.
- Адам къыйынлыгъын кёлтюрюр, зауукълугъун кёлтюрмез.
- Ётюрюк хапар аякъ тюбю бла джюрюйдю.
- Азыкълы ат арымаз, къатыны аман джарымаз.
- Джаным-тиним – окъуу, билим.
- Суугъа – таянма, джаугъа – ийнанма.
- Ашлыкъ – бюртюкден, джюн – тюкден.
- Оюмсуз атлагъан, аджалсыз ёлюр.
- Джан саулукъ бермей, сан саулукъ бермезсе.
- Кёбге таш атма.
- Джюрекге ариу – кёзге да ариу.
- Хатерли къул болур.
- Байны къызы баймакъ болса да, юйде къалмаз!
- Башынга джетмегенни сорма.
- Хар ишни да аллы къыйынды.
- Джерни букъусу кёкге къонмаз.
- Байлыкъ болгъан джерде, тынчлыкъ джокъду.
- Джол бла сёзню къыйыры джокъ.
- Биреуге аманлыкъ этиб, кесинге игилик табмазса.
- Эркишиге тары кебек танг кёрюнюр.
- Берекет берсин деген джерде, берекет болур.
- Керек ташны ауурлугъу джокъ.
- Ашыкъгъан cуу, тенгизге джетмез.
- Къар – келтирди, суу – элтди.
- Иги джашны ышаны – аз сёлешиб, кёб тынгылар.
- Тойгъа алгъа да барма, тойда артха да къалма.
- Борчунг бар эсе, хурджунунга ойлаб узал.
- Ашхы тенг джолгъа салыр, аман тенг джолдан тайдырыр.
- Джыланны къуйругъундан басарынг келсе, аны башы болгъанын унутма.
- Ургъан суудан башынгы сакъла.
- Кёлсюзден сёзсюз тууар.
- Къумурсхала джыйылсала, пилни да джыгъадыла.
- Кесинге джетмегенни, кёб сёлешме.
- Къобан да къуру да къобханлай турмайды, адам да къуру да патчахлай турмайды.
- Чакъырылмагъан джерге барма, чакъырылгъан джерден къалма.
- Ачыкъ джюрекге джол – ачыкъ.
- Джаралыны джастыгъында сау ёлюр.
- Ана кёлю – балада, бала кёлю – талада.
- Къая джолда джортма, ачыкъ сёзден къоркъма.
- Адам боллукъ, атламындан белгили болур.
- Къарнынг бла ёч алма.
Ислам в Библии ? 200 пророчеств [для размышляющих обязательно!]
|
|
|
|
|
|
Читают тему (гостей: 1)