- Джетген къыз джерли эшекни танымаз.
- Эринчекни эр алмаз, эр алса да, кёл салмаз, кёл салса да, кёб бармаз!
- Къатыны харакетли болса, эри къымсыз болур.
- Дженгил джетерикме деб, узун джолну къоюб, къысхасын барма.
- Рысхы – насыбха къор.
- Атадан ёксюз – бир ёксюз, анадан ёксюз – эки ёксюз.
- Тойчу джашха къарама, къойчу джашха къара.
- Чабакъсыз кёлге къармакъ салгъанлыкъгъа, чабакъ тутмазса.
- Адамны джюреги нени кёрюрге сюйсе, кёзю да аны кёрюрге ёч болады.
- Окъ къызбайны джокълайды.
- Тёрдеги кюлсе, эшикдеги ышарыр.
- Окъугъан – асыу, окъумагъан – джарсыу.
- Кийиминг бла танылма, адамлыкъ бла таныл.
- Сёз – кюмюш, джыр – алтын.
- Чомарт къолда мал къалмаз.
- Ишни аллы бла къууанма да, арты бла къууан.
- Ариуну – ауруу кёб.
- Сабыр джетер муратха, сабырсыз къалыр уятха.
- Ётюрюкню къуйругъу – бир тутум.
- Иши джокъну, сыйы джокъ.
- Ичимден чыкъды хата, къайры барайым сата?
- Джауумдан сора, кюн кюйдюрюр, ётюрюкден сора, айыб кюйдюрюр.
- Сибиртки да сыйлы болду, кюрек да кюнлю болду.
- Чакъырылгъанны аты, чакъырылмагъанны багъасы болур.
- Ат да турмайды бир териде.
- Термилгенинги табмазса, кюлгенинге тюберсе.
- Къарнынг бла ёч алма.
- Кёзден кетген, кёлден да кетеди.
- Зарда марда джокъ.
- Уясында не кёрсе, учханында аны этер.
- Таш ата билмеген, башына урур.
- Тенги кёбню джау алмаз, акъылы кёбню дау алмаз.
- Терслик кетер, тюзлюк джетер.
- Къарны аманнга къазан такъдырма, къолу аманнга от джакъдырма.
- Айтхан – тынч, этген – къыйын.
- Къозулугъунда тоймагъан, къойлугъунда тоймаз.
- Халкъны джырын джырласанг, халкъ санга эжиу этер.
- Джырчы ёлсе, джыры къалыр.
- Адам сёзюнден белгили.
- Адеб джокъда, намыс джокъ.
- Адам туугъан джеринде, ит тойгъан джеринде.
- Джашда акъыл джокъ, къартда къарыу джокъ.
- Ашхы атаны – джашы ашхы, ашхы ананы – къызы ашхы.
- Минг тенг да азды, бир джау да кёбдю.
- Бал чибинни ургъаны – ачы, балы – татлы.
- Ана кёлю – балада, бала кёлю – талада.
- Кёбден умут этиб, аздан къуру къалма.
- Нёгер болсанг, тенг бол, тенг болмасанг, кенг бол.
- Бюгюн дуния кибик, тамбла ахыратды.
- Насыб бютеу халкъны юлюшюдю.
Создание мусульманской общины в г. Железнодорожный
Читают тему (гостей: 1)