- Билимли ёлмез, билимсиз кёрмез.
- Ауругъан – джашаудан умутчу.
- Джаным-тиним – окъуу, билим.
- Ойнай билмеген, оюн бузар.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тынгылагъан тынгы бузар.
- Термилгенинги табмазса, кюлгенинге тюберсе.
- Адамны аманы адамны бети бла ойнар.
- Минг тенг да азды, бир джау да кёбдю.
- Кийиминг бла танылма, адамлыкъ бла таныл.
- Къолунгдан къуймакъ ашатсанг да, атаны борчундан къутулмазса.
- Киштикге къанат битсе, чыпчыкъ къалмаз эди.
- Сууда джау джокъ, кёб сёзде магъана джокъ.
- Этни бети бла шорпасы.
- Aдам боллукъ, сыфатындан белгили.
- Башсыз урчукъ тюзюне айланмаз.
- Эл ауузу – элек, анга ийнаннган – халек.
- Бети къызарыучу адамны, джюреги харам болмаз.
- Джарлы джети элни сёзюн этер.
- Эринчекге кюн узун.
- Къыйынлы джети элге оноу этер.
- Иги болса, тамадама – махтау, аман болса, меннге – айыб.
- Тойгъан джерге джети къайт.
- Кёз – сюйген джерде, къол – ауругъан джерде.
- Джаш къарыу бла кючлю, къарт акъыл бла кючлю.
- Кенгеш болса, уруш болмаз.
- Джан саулукъ бермей, сан саулукъ бермезсе.
- Келинин тута билмеген, къул этер, къызын тута билмеген, тул этер.
- Ата Джуртун танымагъан, атасын да танымаз.
- Хантына кёре тузу, юйюне кёре къызы.
- Мухардан ач ычхынмаз.
- Къонакъ хазыр болгъанлыкъгъа, къонакъбай хазыр тюлдю.
- Тойгъа алгъа да барма, тойда артха да къалма.
- Ариу сёз джыланны орнундан чыгъарыр.
- Тиширыусуз юй – отсуз от джагъа.
- Рысхысына кёре, джаш ёсер, къышлыгъына кёре, мал ёсер.
- Джылкъыдан – ат чыгъар, тукъумдан – джаш чыгъар.
- Олтуруб кёрюнмей эди да, ёрге туруб кёрюне эди.
- Ёлген эшек бёрюден къоркъмайды.
- Эри аманны, къатыны – аман.
- Чыбыкълыкъда бюгюлмеген, къазыкълыкъда бюгюлмей эди.
- Сангырау къулакъ эл бузар.
- Адеб этмеген, адеб кёрмез.
- Бастасын ашагъан, хантусун да ичер.
- Этим кетсе да, сюегим къалыр.
- Кёкдеги болмаса, джердегин кёрмейди.
- Аууз сакълагъан – джан сакълар.
- Тин – байлыгъынг, терен саулугъунг.
- Башы ишлегенни, ауузу да ишлер.
- Кюн – узун, ёмюр – къысха.
А ты ответишь "ДА"?
Читают тему (гостей: 1)