- Чарсда алчыны эл кёреди.
- Кесине оноу эте билмеген, халкъына да эте билмез.
- Къызбайны юйюне дери сюрсенг, батыр болур.
- Рысхы – насыбха къор.
- Къуру гыбыт бек дыгъырдар.
- Аман адамны тепсинге олтуртсанг, къызынгы тилер.
- Кёзюнде тереги болгъан, чёбю болгъаннга кюле эди.
- Таш бла ургъанны, аш бла ур.
- Эте билген, этген этеди, эте билмеген, юретген этеди!
- Акъыллы эркиши атын махтар, акъылсыз эркиши къатынын махтар.
- Акъдан къара болмаз.
- Къошда джокъгъа – юлюш джокъ.
- Кёзден кетген, кёлден да кетеди.
- Ашхы сёз таш тешер.
- Къарт айтханны этмеген, къартаймаз.
- Хар ишни да аллы къыйынды.
- Ата Джуртуму башы болмасам да, босагъасында ташы болайым.
- Тёрде – темир таякълы, къаяда – чыпчыкъ аякълы.
- Ишин билген, аны сыйын чыгъарады.
- Джарлы джети элни сёзюн этер.
- Къарны аманнга къазан такъдырма, къолу аманнга от джакъдырма.
- Чабакъсыз кёлге къармакъ салгъанлыкъгъа, чабакъ тутмазса.
- Алма терегинден кери кетмез.
- Окъугъан – асыу, окъумагъан – джарсыу.
- Эр сокъур болсун, къатын тилсиз болсун.
- Уллу къазанда бишген эт, чий къалмаз.
- Мухарны эси – ашарыкъда.
- Къоркъакъны кёзю экили кёрюр.
- Сабий кёргенин унутмаз.
- Сыфатында болмагъаны, суратында болмаз.
- Адамны аманы адамны бети бла ойнар.
- Экеулен сёлеше тура эселе, орталарына барыб кирме.
- Этни да ашады, бетни да ашады.
- Атынг аманнга чыкъгъандан эсе, джанынг тамагъынгдан чыкъсын.
- Ёгюзню мюйюзлери ауурлукъ этмейдиле.
- Суу да къайтады чыкъгъан джерине.
- Тил – кесген бычакъ, сёз – атылгъан окъ.
- Аман хансны – урлугъу кёб.
- Ана – юйню кюн джарыгъы.
- Къумурсхала джыйылсала, пилни да джыгъадыла.
- Бюгюн дуния кибик, тамбла ахыратды.
- Къарнынг ауруса, ауузунгу тый
- Адам туугъан джеринде, ит тойгъан джеринде.
- Адамны артындан къара сабан сюрме.
- Бет бетге къараса, бет да джерге къарар.
- Аманнга да, игиге да оноусуз къатышма.
- Этим кетсе да, сюегим къалыр.
- Джыгъылгъанны сырты джерден тоймаз.
- Тик ёргени, тик энгишгеси да болады.
- Сагъышы джокъ – джукъучу, акъылы джокъ – къаугъачы.
Мусульманка в Рамадан
Читают тему (гостей: 1)