- Ариу сёз – къылычдан джити.
- Тил джюрекге джол ишлейди.
- Тамчы таш тешер.
- Ашхы адам – халкъ байлыгъы, ашхы джер – джашау байлыгъы.
- Ёлюк кебинсиз къалмаз.
- Зар адамны насыбы болмаз.
- Акъыл аздырмаз, билим тоздурмаз.
- Адам къыйынлыгъын кёлтюрюр, зауукълугъун кёлтюрмез.
- Билеги кючлю, бирни джыгъар, билими кючлю, мингни джыгъар.
- Байдан умут эте, джарлыдан ёгюз багъасы къорады.
- Босагъа таш юйге кирмей эди, тыбыр таш эшикге чыкъмай эди.
- Ишленмеген джаш – джюгенсиз ат, ишленмеген къыз – тузсуз хант.
- Душманны тышы – акъ, ичи – къара.
- Къарны аманнга къазан такъдырма, къолу аманнга от джакъдырма.
- Къызын тута билмеген, тул этер, джашын тута билмеген, къул этер.
- Чакъырылмагъан къонакъ – орунсуз.
- Ашхы тенг джолгъа салыр, аман тенг джолдан тайдырыр.
- Ёнгкюч къууана барыр, джылай келир.
- Насыб бютеу халкъны юлюшюдю.
- Айран тёгюлсе, джугъусу къалыр.
- Джетген къыз джерли эшекни танымаз.
- Сакъалы текени да бар, мыйыгъы киштикни да бар.
- Кёзю сокъурдан – къоркъма, кёлю сокъурдан – къоркъ.
- Къумурсхала джыйылсала, пилни да джыгъадыла.
- Узун джолну барсанг, бюгюн келирсе, къысха джолну барсанг, тамбла келирсе.
- Джангыз торгъай джырламаз.
- Элиб деген, элге болушур.
- Кёбден умут этиб, аздан къуру къалма.
- Окъдан джара эртде-кеч болса да бителир, сёз джара, ёмюрге къалыр.
- Ач къарынны, токъ билмез
- Сескекли кесин билдирир.
- Къанны къан бла джуума, аманны аман бла къуума.
- Башынга джетмегенни сорма.
- Кёкдеги болмаса, джердегин кёрмейди.
- Баш болса, бёрк табылыр.
- Биреу къой излей, биреу той излей.
- Таугъа чыгъаллыкъ эсенг, тюзде къалма.
- Билим – акъылны чырагъы.
- Акъдан къара болмаз.
- Бир онгсуз адам адет чыгъарды, деб эштирик тюлсе.
- Ат да турмайды бир териде.
- Къулакъдан эсе, кёзге ышан.
- Джашлыкъ этмеген, башлыкъ этмез.
- Тойну къарнашы – харс, джырны къарнашы – эжиу.
- Бал чибинни ургъаны – ачы, балы – татлы.
- Джырына кёре эжиую.
- Гырджын – тепсини тамадасы.
- Хата – гитчеден.
- Тёзгеннге, джабылгъан эшик ачылыр.
- Тюзлюк тас болмайды.
Мусульманка в Рамадан
Читают тему (гостей: 1)