- Мен да «сен», дейме, сен да «кесим», дейсе.
- Ишленмеген джаш – джюгенсиз ат, ишленмеген къыз – тузсуз хант.
- Билимден уллу байлыкъ джокъду.
- Киштикге къанат битсе, чыпчыкъ къалмаз эди.
- Ачны эсинде – аш.
- Чакъырылмай келген къонакъ сыйланмай кетер.
- Татлы тилде – сёз ариу, чемер къолда – иш ариу.
- Мал ёлсе, сюек къалыр, адам ёлсе, иши къалыр.
- Ёгюзню мюйюзлери ауурлукъ этмейдиле.
- Келинни – келгинчи, бёркню кийгинчи кёр.
- Билмезни кёзю кёрмез, этмезни къулагъы эшитмез.
- Адам сёзюнден белгили.
- Сангырау къулакъ эл бузар.
- Эки къатын алгъан – эки ташны ортасына башын салгъан.
- Арбаз къынгырды да, ийнек сауалмайма.
- Къарны аманнга къазан такъдырма, къолу аманнга от джакъдырма.
- Къарнынг тойгъунчу аша да, белинг талгъынчы ишле.
- От кюйдюрген, сау болса да, тот кюйдюрген, сау болмаз.
- Сёлеш деб шай берген, тохта деб, сом берген.
- Кёз – сюйген джерде, къол – ауругъан джерде.
- Кёпюр салгъан кеси ётер, уру къазгъан кеси кетер.
- Миллетни бойну – базыкъ, аны бла кюрешген – джазыкъ.
- Рысхысына кёре, джаш ёсер, къышлыгъына кёре, мал ёсер.
- Адам къаллай бир ишленмесе, аллай бир кесин уллу кёреди.
- Этек чакъмакълары баш джаргъан, сёлешген сёзлери таш джаргъан.
- Насыб бютеу халкъны юлюшюдю.
- Атлыны кёрсе, джаяуну буту талыр.
- Насыблы элин сюер, насыбсыз кесин сюер.
- Бастасын ашагъан, хантусун да ичер.
- Эринчекге кюн узун.
- Эм уллу байлыкъ – джан саулукъ.
- Байлыкъ келсе, акъыл кетер.
- Биреуге кёлтюрген таягъынг, кесинги башынга урур.
- Тамбла алтындан бюгюн багъыр ашхы.
- Чоюнну башы ачыкъ болса, итге уят керекди.
- Окъугъанны бети джарыкъ.
- Къошда джокъгъа – юлюш джокъ.
- Акъыл аздырмаз, билим тоздурмаз.
- Нарт сёз къарт болмаз.
- Билим ат болуб да чабар, къуш болуб да учар.
- Телиге от эт десенг, юйюнге от салыр.
- Тёзген – тёш ашар!
- Чакъырылмагъан джерге барма, чакъырылгъан джерден къалма.
- Ёксюзню къалачы уллу кёрюнюр.
- Къумурсхала джыйылсала, пилни да джыгъадыла.
- Илму – джашауну джолу.
- Иги адамны бир сёзю эки болмаз.
- Ишни ахырын ойламай, аллын башлама.
- Джуртун къоругъан озар.
- Къонагъынгы артмагъын алма да, алгъышын ал.
[ Закрыто ] Правила форума
Читают тему (гостей: 1)