- Ётюрюкню къуйругъу – бир тутум.
- Юйлю уругъа ит чабмаз.
- Юй кюйдю да, кюйюз чыкъды, ортасындан тюйюш чыкъды.
- Юйюнг бла джау болгъандан эсе, элинг бла джау бол.
- Сескекли кесин билдирир.
- Тиширыусуз юй – отсуз от джагъа.
- Ёзденликни кёбю ётюрюк.
- Окъугъан – асыу, окъумагъан – джарсыу.
- Акъдан къара болмаз.
- Юйюнгден чыкъдынг – кюнюнгден чыкъдынг.
- Тойгъанлыкъ къойгъа джарашады.
- Мен да «сен», дейме, сен да «кесим», дейсе.
- Джашлыкъ этмеген, башлыкъ этмез.
- Джашынгы кесинг юретмесенг, джашау юретир.
- Аманнга игилик этсенг, юйюнге сау бармазса.
- Баланы адам этген анады.
- Сагъыш – къартлыкъгъа сюйюмчю.
- От кюйдюрген, сау болса да, тот кюйдюрген, сау болмаз.
- Эркишини аманы тиширыуну джылатыр.
- Джумушакъ сёз къаты таякъны сындырыр.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Мухардан ач ычхынмаз.
- Кимни – тили, тиши онглу, кимни – къолу, иши онглу.
- Эртде тургъан джылкъычыны эркек аты тай табар.
- Намысы болмагъанны, сыйы болмаз.
- Башсыз урчукъ тюзюне айланмаз.
- Тенги кёбню джау алмаз, акъылы кёбню дау алмаз.
- Кийим тукъум сордурур.
- Намыс болмагъан джерде, насыб болмаз.
- Халкъны джырын джырласанг, халкъ санга эжиу этер.
- Эл ауузу – элек, анга ийнаннган – халек.
- Къыз келсе, джумуш эте келеди, къатын келсе, ушакъ эте келеди.
- Юре билмеген ит, къонакъ келтирир.
- Къуру гыбыт бек дыгъырдар.
- Къралынгы – душмандан, башынгы от бла суудан сакъла.
- Аман киши кеси юйюнде – къонакъ.
- Аш берме да, къаш бер.
- Тюз сёз баргъан сууну тыяр.
- Атлыны кёрсе, джаяуну буту талыр.
- Босагъа таш юйге кирмей эди, тыбыр таш эшикге чыкъмай эди.
- Мадар болса, къадар болур.
- Аякъларынгы джууургъанынга кёре узат.
- Джан саулукъ бермей, сан саулукъ бермезсе.
- Болджал ишни бёрю ашар.
- Хар адамгъа кеси миннген тау кибик.
- Билими азны – ауузунда кирит.
- Аман адам этегингден тутса, кес да къач.
- Ата Джуртун танымагъан, атасын да танымаз.
- Тюзлюк тас болмайды.
- Азыгъы аз, алгъа къабар, аты аман, алгъа чабар.
[ Закрыто ] Хочу лялю но хорошую маму найти трудно 2
|
Если есть желание поговорить о семье и детях просьба открыть тему с более приемлемым названием.. и написать в других похожих темах.
|
||||
|
|
|
|||
Читают тему (гостей: 1)