- Джыгъылгъанны сырты джерден тоймаз.
- Ким бла джюрюсенг, аны кёзю бла кёрюнюрсе.
- Аз сёлешген, къайгъысыз турур.
- Аллахдан тилесенг, кёб тиле.
- Джеринден айырылгъан – джети джылар, джуртундан айырылгъан – ёлгюнчю джылар.
- Къыз тиширыу кеси юйюнде да къонакъды.
- Намыс сатылыб алынмайды.
- Абынмазлыкъ аякъ джокъ, джангылмазлыкъ джаякъ джокъ.
- Къонакъны къачан кетерин сорма, къачан келлигин сор.
- Аман къатын алгъан, арыр, иги къатын алгъан джарыр.
- Ашхы – джыяр, аман – джояр.
- Джан саулукъ бермей, сан саулукъ бермезсе.
- Дуния мал дунияда къалады.
- Таукел къуру къалмаз.
- Окъ къызбайны джокълайды.
- Сангырау къулакъ эл бузар.
- Окъугъан – асыу, окъумагъан – джарсыу.
- Билим – акъылны чырагъы.
- Тенги кёбню джау алмаз, акъылы кёбню дау алмаз.
- Ачлыкъ отха секиртир.
- Къарын къуру болса, джюрек уру болур.
- Ашарыкъда сайлагъаннга – чий гырджын.
- Магъанасыз сёз – тауушсуз сыбызгъы.
- Къыйынлы джети элге оноу этер.
- Байлыкъдан саулукъ ашхыды.
- Кёлю джокъну – джолу джокъ.
- Къыз келсе, джумуш эте келеди, къатын келсе, ушакъ эте келеди.
- Ашхы болсанг, атынг чыгъар, аман болсанг, джанынг чыгъар.
- Адеб этмеген, адеб кёрмез.
- Бал ашаргъа сюе эсенг, чибин ургъаннга тёз.
- Сакъалы текени да бар, мыйыгъы киштикни да бар.
- Адамны сабийин сюйген джюреги, бычакъча, джитиди.
- Ёксюзню къалачы уллу кёрюнюр.
- Суугъа – чабакъ, къаягъа – ыргъакъ.
- Артына баргъанны, къатына барма.
- Тойгъанлыкъ къойгъа джарашады.
- Баш болса, бёрк табылыр.
- Айныгъанлы алты кюн, тогъайгъанлы тогъуз кюн.
- Окъумагъан сокъурду, сокъур ташха абыныр!
- Бичгенде ашыкъма, тикгенде ашыкъ.
- Сагъыш – къартлыкъгъа сюйюмчю.
- Ата – баланы уясы.
- Башсыз урчукъ тюзюне айланмаз.
- Къыйынлы джети элни къайгъысын этер.
- Душманны тышы – акъ, ичи – къара.
- Ашаса, ашамаса да, бёрюню ауузу – къан.
- Джогъун бар этген, барын бал этген.
- Айран ичген – къутулду, джугъусун джалагъан – тутулду.
- Огъурлуну сёзю – суу, огъурсузну сёзю – уу.
- Джаз бир кюнню джатсанг, къыш талай кюнню абынырса.
Конечно, скучаю 