Чомартха Тейри да борчлуду.
Сибиртки да сыйлы болду, кюрек да кюнлю болду.
Эшекге миннген – биринчи айыб, андан джыгъылгъан – экинчи айыб.
Байлыкъ адамны сокъур этер.
Къонакъ аман болса, къонакъбай джунчур
Эски джаугъа ышанма.
Ариу сёз – къылычдан джити.
Телини эшигин, махтау джабар.
Башда акъыл болмаса, эки аякъгъа кюч джетер.
Сагъыш – къартлыкъгъа сюйюмчю.
Кеси юйюмде мен да ханма.
Эрни эр этерик да, къара джер этерик да, тиширыуду.
Аман киши кеси юйюнде – къонакъ.
Акъдан къара болмаз.
Чыкълы кюнде чыкъмагъан, чыкъса къуру кирмеген.
Керилген да, ургъан кибикди.
Джаш къарыу бла кючлю, къарт акъыл бла кючлю.
Тамырсыз терекге таянма – джыгъылырса.
Къолунгдан къуймакъ ашатсанг да, атаны борчундан къутулмазса.
Дуния малгъа сатылма, кесингден телиге къатылма.
Ачылгъан эт джабылыр, кёрген кёз унутмаз.
Кесине оноу эте билмеген, халкъына да эте билмез.
Къарт бла баш аша, джаш бла аякъ аша.
Джигер – джаннга къыйынлыкъ.
Булут кёкге джарашыу, уят бетге джарашыу.
Хаухну атма, ёнгкючню сатма.
Уллу сёзде уят джокъ.
Аман хансны – урлугъу кёб.
Хар адамгъа кеси миннген тау кибик.
Биреуге кёлтюрген таягъынг, кесинги башынга урур.
От этилмеген джерден тютюн чыкъмайды.
Ушамагъан – джукъмаз.
Ойнай билмеген, оюн бузар.
Бичгенде ашыкъма, тикгенде ашыкъ.
Къызны минг тилер, бир алыр.
Кёзю сокъурдан – къоркъма, кёлю сокъурдан – къоркъ.
Тёзген – тёш ашар!
Ишге юренсин къоллары, халкъ бла болсун джоллары.
Ариу сёз джыланны орнундан чыгъарыр.
Къанны къан бла джуума, аманны аман бла къуума.
Иесиз малны бёрю ашар.
Уруну арты – къуру.
Биреуню къыйынлыгъы бла кесинге джол ишлеме.
Окъдан джара эртде-кеч болса да бителир, сёз джара, ёмюрге къалыр.
Аджашхан тёгерек айланыр.
Элни кючю – эмеген.
Ишленмеклик адамлыкъды.
Татлы тилде – сёз ариу, чемер къолда – иш ариу.
Ата Джуртуму башы болмасам да, босагъасында ташы болайым.
Байдан умут эте, джарлыдан ёгюз багъасы къорады.
А серьезно алып хар бирин отдельно тинтип керсек)))))бири биринден игичикдиле 