Баш болса, бёрк табылыр.
Уруну арты – къуру.
Чакъырылмагъан къонакъ къачан кетерин сормаз.
Бир онгсуз адам адет чыгъарды, деб эштирик тюлсе.
Эм ашхы къайын ана мамукъ бла башынгы тешер.
Суу да къайтады чыкъгъан джерине.
Таукел къуру къалмаз.
Телиге акъыл салгъандан эсе, ёлгеннге джан салырса.
Къайгъы тюбю – тенгиз.
Минг тенг да азды, бир джау да кёбдю.
Эски джаугъа ышанма.
Кюлме джашха – келир башха.
Аман киши кеси юйюнде – къонакъ.
Суугъа – чабакъ, къаягъа – ыргъакъ.
Ашхылыкъ джерде джатмайды, аманлыкъ суугъа батмайды.
Келгинчи, къонакъ уялыр, келгенден сора, къонакъбай уялыр.
Арпа, будай – ащды, алтын, кюмюш а – ташды.
Ханнга да келеди хариблик.
Ашаса, ашамаса да, бёрюню ауузу – къан.
Чомарт джарлы болмаз.
Тамчы таш тешер.
Ышармагъан – кюлмез, кюлмеген – къууанчны билмез.
Тешигини къатында, чычхан да батыр болур.
Чыкълы кюнде чыкъмагъан, чыкъса къуру кирмеген.
Кечеси – аяз, кюню – къыш, джарлы къаргъагъа бир аш тюш!
Азыгъы аз, алгъа къабар, аты аман, алгъа чабар.
Эллинг бла джау болсанг да, юйюнг бла джау болма.
Кёл ашады да, кеси ашады.
Айтылгъан буйрукъ, сёгюлмез
Аманны къуугъан, аманлыкъ табар.
Билеги кючлю, бирни джыгъар, билими кючлю, мингни джыгъар.
Тау башында, тау болмаз, джангыз терек, бау болмаз.
Рысхысына кёре, джаш ёсер, къышлыгъына кёре, мал ёсер.
Келлик заман – къартлыкъ келтирир, кетген заман – джашлыкъ ёлтюрюр.
Мадар болса, къадар болур.
Тенги кёбню джау алмаз, акъылы кёбню дау алмаз.
Сабийни джумушха джибер да, ызындан бар.
Адамны адамлыгъы къыйынлыкъда айгъакъланады.
Ат басханны джер билед.
Таш бла ургъанны, аш бла ур.
Байма, деб да, къууанма, джарлыма, деб да, джылама.
Ханы къызы буюгъа-буюгъа киштик болду.
Кёбге таш атма.
Татлы тилде – сёз ариу, чемер къолда – иш ариу.
Акъыл аздырмаз, билим тоздурмаз.
Джогъун бар этген, барын бал этген.
Къошда джокъгъа – юлюш джокъ.
Ат да турмайды бир териде.
Биреуню эскиси биреуге джангы болмайды.
Керек ташны ауурлугъу джокъ.