Къошда джокъгъа – юлюш джокъ.
Кёл ашады да, кеси ашады.
Къарны аманнга къазан такъдырма, къолу аманнга от джакъдырма.
Байлыкъ тауусулур, билим тауусулмаз.
Рысхы – насыбха къор.
Кёлсюзден сёзсюз тууар.
Юре билмеген ит, къонакъ келтирир.
Ат басханны джер билед.
Суу да къайтады чыкъгъан джерине.
Кёб джат да, бек чаб.
Тас болгъан бычакъны сабы – алтын.
Сормай – алма, чакъырылмай – барма.
Суу ичген шауданынга тюкюрме.
Байдан умут эте, джарлыдан ёгюз багъасы къорады.
Мени джылытмагъан кюн, меннге тиймесин!
Ёлюр джаннга, ёкюл джокъ.
Къарт бла баш аша, джаш бла аякъ аша.
Ёпкелегенни ашы татлы болады.
Ышармагъан – кюлмез, кюлмеген – къууанчны билмез.
Аман эсирсе, юйюн ояр.
Ачылгъан эт джабылыр, кёрген кёз унутмаз.
Кёб ант этген, кёб ётюрюк айтыр.
Ауругъан – джашаудан умутчу.
Къарнынг тойгъунчу аша да, белинг талгъынчы ишле.
Кёзден кетген, кёлден да кетеди.
Гугук кесини атын айтыб къычыргъанча, мен, мен деб нек тураса?
Татлы сёз – балдан татлы.
Эрни эр этерик да, къара джер этерик да, тиширыуду.
Илму – джашауну джолу.
Аш берме да, къаш бер.
Бал – татлы, балдан да бала – татлы.
Суу кетер, таш къалыр.
Игини сыйлагъан адетди.
Къарын къуру болса, джюрек уру болур.
Атлыны кёрсе, джаяуну буту талыр.
Ишлемеген – тишлемез.
Хар сёзню орну барды.
Джарлыны тону джаз битер.
Ашатыргъа иш – ашхы, ишлетирге аш – ашхы.
Джашда акъыл джокъ, къартда къарыу джокъ.
Джашны джигитлиги сорулур, къызны джигерлиги сорулур.
Адам туугъан джеринде, ит тойгъан джеринде.
Окъуусуз билим – джокъ, билимсиз кюнюнг – джокъ.
Эл элде бирер малынг болгъандан эсе, бирер тенгинг болсун.
Телини эшигин, махтау джабар.
Тойчу джашха къарама, къойчу джашха къара.
Аллахха ийнаннган кишини, Аллах онгдурур ишин.
Чомартха хар кюн да байрамды.
Аманны къуугъан, аманлыкъ табар.
Эркишиге тары кебек танг кёрюнюр.
А серьезно алып хар бирин отдельно тинтип керсек)))))бири биринден игичикдиле 