- Аз сёлешген, къайгъысыз турур.
- Аджашхан тёгерек айланыр.
- Хазыр ашха – терен къашыкъ.
- Ургъан суудан башынгы сакъла.
- Арпа, будай – ащды, алтын, кюмюш а – ташды.
- Акъыллы башны – тили къысха.
- Адам къыйынлыгъын кёлтюрюр, зауукълугъун кёлтюрмез.
- Адам сёзге тынгыла, акъыл сёзню ангыла.
- Тил бла келеди джыр да.
- Ауругъанны сау билмез, ач къарынны токъ билмез.
- Айранын берсенг, челегин да къызгъанма.
- Адам къаллай бир ишленмесе, аллай бир кесин уллу кёреди.
- Чакъырылмагъан къонакъ – орунсуз.
- Адеб базарда сатылмаз.
- Ана къолу ачытмаз.
- Ётюрюкню башын керти кесер.
- Шекер бла туз – бир болмаз, ушамагъан – юй болмаз.
- Агъач – джерни чырайы, кийим – эрни чырайы.
- Чалманны аллы къалай башланса, арты да алай барады.
- Адамны аты башхача, акъылы да башхады.
- Адам сёзюнден белгили.
- Эки къатын алгъан – эки ташны ортасына башын салгъан.
- Суу ичген шауданынга тюкюрме.
- Сыфатында болмагъаны, суратында болмаз.
- Эки къатын алгъанны къулагъы тынгнгаймаз.
- Кёб джат да, бек чаб.
- Кесинге джетмегенни, кёб сёлешме.
- Келгинчи, къонакъ уялыр, келгенден сора, къонакъбай уялыр.
- Ач къалгъандан, кеч къалгъан къолай.
- Аман адам элни бир-бирине джау этер.
- Аджаллыгъа окъсуз шкок атылыр.
- Борчунг бар эсе, хурджунунга ойлаб узал.
- Татлы тилде – сёз ариу, чемер къолда – иш ариу.
- Алим болгъандан эсе, адам болгъан къыйынды.
- Ушамагъан – джукъмаз.
- Аман къатын алгъан, арыр, иги къатын алгъан джарыр.
- Айтылгъан буйрукъ, сёгюлмез
- Аллахдан тилесенг, кёб тиле.
- Иги адам абынса да, джангылмаз.
- Акъыл сабырлыкъ берир.
- Ач бёрюге мекям джокъ.
- Къонагъынгы артмагъын алма да, алгъышын ал.
- Ойнай-ойнай кёз чыгъар.
- Ётген ёмюр – акъгъан суу.
- Сакъ юйюне сау барыр.
- Ашхы атаны – джашы ашхы, ашхы ананы – къызы ашхы.
- Ёнгкюч къууана барыр, джылай келир.
- Уллу къашыкъ эрин джыртар.
- Бек анасы джыламаз.
- Элни кючю – эмеген.
Сказки народов Кавказа в одном издании. Совместный проект Эльбрусоида и РКНК
Читают тему (гостей: 1)