- Иесиз малны бёрю ашар.
- Азыкъ аз болса, эртде орун сал.
- Суу ичген шауданынга тюкюрме.
- Уллу айтханны этмеген – уллаймаз.
- Эркишини аманы тиширыуну джылатыр.
- Оюмсуз атлагъан, аджалсыз ёлюр.
- Аманнга да, игиге да оноусуз къатышма.
- Ана къойну – балагъа джандет.
- Къулакъдан эсе, кёзге ышан.
- Къарт болгъан джерде, берекет болур, сабий болгъан джерде, оюн болур.
- Тилчиден кери бол.
- Бир онгсуз адам адет чыгъарды, деб эштирик тюлсе.
- Ачлыкъда тары гырджын халыуадан татлы.
- Айтылгъан буйрукъ, сёгюлмез
- Акъыллы айтыр эди, акъылсыз къоймайды.
- «Ма», - дегенни билмесенг, «бер», - дегенни билмезсе.
- Къонакъ аман болса, къонакъбай джунчур
- Ашын ашагъанынгы, башын да сыйла.
- Къатын къылыкъсыз, эр тынчлыкъсыз.
- Окъдан джара эртде-кеч болса да бителир, сёз джара, ёмюрге къалыр.
- Акъыл бла адеб эгизледиле.
- Къартха ушагъан джаш – акъыллы, джашха ушагъан къарт – тели.
- Акъыллы башны – тили къысха.
- Ата Джуртча джер болмаз, туугъан элча эл болмаз.
- Минг тенг да азды, бир джау да кёбдю.
- Урама да – ёледи, сатама да – келеди.
- Атлыны кёрсе, джаяуну буту талыр.
- Арбаз къынгырды да, ийнек сауалмайма.
- Чомарт джарлы болмаз.
- Юйюнгден чыкъдынг – кюнюнгден чыкъдынг.
- Эртде тургъан джылкъычыны эркек аты тай табар.
- Таугъа чыгъаллыкъ эсенг, тюзде къалма.
- Таула не мийик болсала да, аууш табылыр.
- Халкъгъа джарагъан, джарлы къалмаз.
- Нёгер болсанг, тенг бол, тенг болмасанг, кенг бол.
- Эшекни не къадар тюйсенг да, ат болмаз.
- Хар сёзню орну барды.
- Джан саулукъ бермей, сан саулукъ бермезсе.
- Эртде тургъан бла эртде юйленнген сокъуранмаз.
- Эшекге миннген – биринчи айыб, андан джыгъылгъан – экинчи айыб.
- Джукъу тёшек сайламайды.
- Ач бёрюге мекям джокъ.
- Къаллай салам берсенг, аллай джууаб алырса.
- Баш – акъыл ючюн, акъылман – халкъ ючюн.
- Къонакъ аз олтурур, кёб сынар.
- Ашхы адам – халкъ байлыгъы, ашхы джер – джашау байлыгъы.
- Ач къалгъандан, кеч къалгъан къолай.
- Эски джаугъа ышанма.
- Суугъа – чабакъ, къаягъа – ыргъакъ.
- Башда акъыл болмаса, эки аякъгъа кюч джетер.
