- Билим насыб берир, билим джолну керир.
- Тин – байлыгъынг, терен саулугъунг.
- Байма, деб да, къууанма, джарлыма, деб да, джылама.
- Намыс болмагъан джерде, насыб болмаз.
- Чакъырылмагъан къонакъ тёрге атламаз.
- Ишлегенде эринме, ишде чолакъ кёрюнме.
- Суугъа – чабакъ, къаягъа – ыргъакъ.
- Джашлыкъ этмеген, башлыкъ этмез.
- Окъугъан озар, окъумагъан тозар.
- Къартха ушагъан джаш – акъыллы, джашха ушагъан къарт – тели.
- Бозанг болмагъан джерге, къалагъынгы сукъма.
- Сёз сёзню айтдырыр.
- Элге къуллукъ этмеген, элге ие болмаз.
- Юйюнгден чыкъдынг – кюнюнгден чыкъдынг.
- Ариуну – ауруу кёб.
- Эл тойса, тоймагъан, эл къойса, къоймагъан.
- Чомартха хар кюн да байрамды.
- Билмегенинги, билгеннге сор.
- Кимни – тили, тиши онглу, кимни – къолу, иши онглу.
- Къонагъынгы артмагъын алма да, алгъышын ал.
- Ач къалгъандан, кеч къалгъан къолай.
- Джюрекге ариу – кёзге да ариу.
- Джуртун къоругъан озар.
- Экиндини кеч къылсанг, чабыб джетер ашхам.
- Къыз тиширыу кеси юйюнде да къонакъды.
- Иги сёз – джаннга азыкъ, аман сёз башха – къазыкъ.
- Ёлген эшек бёрюден къоркъмайды.
- Къозулугъунда тоймагъан, къойлугъунда тоймаз.
- Ушамагъан – джукъмаз.
- Кечеси – аяз, кюню – къыш, джарлы къаргъагъа бир аш тюш!
- Бюгюн дуния кибик, тамбла ахыратды.
- Сёз садакъдан кючлюдю.
- Тил – миллетни джаны.
- Акъыл аздырмаз, билим тоздурмаз.
- Аман къатын сабий табса, бий болур…
- Таугъа чыгъаллыкъ эсенг, тюзде къалма.
- Айранны сюйген, ийнек тутар.
- Къарт бла баш аша, джаш бла аякъ аша.
- Джаш къарыу бла кючлю, къарт акъыл бла кючлю.
- Джолда аягъынга сакъ бол, ушакъда тилинге сакъ бол.
- Ата Джуртун танымагъан, атасын да танымаз.
- Кёрмегеннге кебек – танг, битмегеннге сакъал – танг.
- Ач келгенни – тойдур, кеч келгенни – къондур.
- Чабар ат – джетген къыз.
- Кёзю сокъурдан – къоркъма, кёлю сокъурдан – къоркъ.
- Тил бла келеди джыр да.
- Джюрек кёзден алгъа кёрюр.
- Уллу айтханны этмеген – уллаймаз.
- Шекер бла туз – бир болмаз, ушамагъан – юй болмаз.
- Ата – баланы уясы.
