- Ачылгъан эт джабылыр, кёрген кёз унутмаз.
- Рысхы – насыбха къор.
- Къыз тиширыу кеси юйюнде да къонакъды.
- Чыбыкълыкъда бюгюлмеген, къазыкълыкъда бюгюлмей эди.
- Элни кючю – эмеген.
- Ётюрюкню башын керти кесер.
- Аманны эки битли тону болур, бирин сеннге кийдирир, бирин кеси киер.
- Ишни аллы бла къууанма да, арты бла къууан.
- Джашлыкъ этмеген, башлыкъ этмез.
- Билимден уллу байлыкъ джокъду.
- Акъыл неден да кючлюдю.
- Ач къарынны, токъ билмез
- Тойгъан антын унутур.
- Ашха уста, юйюнде болсун
- Этни да ашады, бетни да ашады.
- Къобан да къуру да къобханлай турмайды, адам да къуру да патчахлай турмайды.
- Алим болгъандан эсе, адам болгъан къыйынды.
- Башсыз урчукъ тюзюне айланмаз.
- Адам сёзюнден белгили.
- Байдан умут эте, джарлыдан ёгюз багъасы къорады.
- Билими азны – ауузунда кирит.
- Аууздан келген, къолдан келсе, ким да патчах болур эди.
- Келинни – келгинчи, бёркню кийгинчи кёр.
- Сибиртки да сыйлы болду, кюрек да кюнлю болду.
- Къанны къан бла джуума, аманны аман бла къуума.
- Тёзгеннге, джабылгъан эшик ачылыр.
- Келинин тута билмеген, къул этер, къызын тута билмеген, тул этер.
- Ашына кёре табагъы, балына кёре къалагъы.
- Джарлы тюеге минсе да, ит къабар.
- Баш – акъыл ючюн, акъылман – халкъ ючюн.
- Атадан ёксюз – бир ёксюз, анадан ёксюз – эки ёксюз.
- Джангыз терек къынгыр ёсер.
- Мени джылытмагъан кюн, меннге тиймесин!
- Чабакъсыз кёлге къармакъ салгъанлыкъгъа, чабакъ тутмазса.
- Келлик заман – къартлыкъ келтирир, кетген заман – джашлыкъ ёлтюрюр.
- Суугъа – чабакъ, къаягъа – ыргъакъ.
- Чомарт джарлы болмаз.
- Къазанда болса, чолпугъа чыгъар.
- Айныгъанлы алты кюн, тогъайгъанлы тогъуз кюн.
- «Ма», - дегенни билмесенг, «бер», - дегенни билмезсе.
- Эки къатын алгъан – эки ташны ортасына башын салгъан.
- Ач уят къоймаз.
- Хар зат кесини орнуна иги.
- От кюйдюрген, сау болса да, тот кюйдюрген, сау болмаз.
- Дуния малгъа сатылма, кесингден телиге къатылма.
- Ариу сёз – джаннга азыкъ, аман сёз – башха къазыкъ.
- Ёнгкюч къууана барыр, джылай келир.
- Босагъагъа джууукъ орун болса, ашыгъыб тёрге озма.
- Эли джокъну – кёлю джокъ.
- Байны оноуу, джарлыгъа джарамаз.
На указанный в форме e-mail придет запрос на подтверждение регистрации.