- Эки итни арасына сюек атма, эки адамны арасында сёз чыгъарма.
- Байлыкъ келсе, акъыл кетер.
- Къазанны башы ачыкъ болса, итге уят керекди.
- Арыгъан къош чамчы болур.
- Аман адамны тепсинге олтуртсанг, къызынгы тилер.
- Хазыр ашха – терен къашыкъ.
- Ауузу аманнга «иги», деме.
- Душманны тышы – акъ, ичи – къара.
- Тай асырагъан, атха минер.
- Джетген къыз джерли эшекни танымаз.
- Итли къонакъ джарашмаз.
- Кёкдеги болмаса, джердегин кёрмейди.
- Тюзлюк шохлукъну бегитир.
- Къонакъ болсанг, ийнакъ бол.
- Келгинчи, къонакъ уялыр, келгенден сора, къонакъбай уялыр.
- Айныгъанлы алты кюн, тогъайгъанлы тогъуз кюн.
- Сормай – алма, чакъырылмай – барма.
- Окъугъанны бети джарыкъ.
- Байны оноуу, джарлыгъа джарамаз.
- Кёбден умут этиб, аздан къуру къалма.
- Ишлемеген – тишлемез.
- Эллинг бла джау болсанг да, юйюнг бла джау болма.
- Ата Джуртча джер болмаз, туугъан элча эл болмаз.
- Ургъан суудан башынгы сакъла.
- Тамчы таш тешер.
- Эли джокъну – кёлю джокъ.
- Къайгъы тюбю – тенгиз.
- Аякъларынгы джууургъанынга кёре узат.
- Акъыл сабырлыкъ берир.
- Ким бла джюрюсенг, аны кёзю бла кёрюнюрсе.
- Чалманны аллы къалай башланса, арты да алай барады.
- Къыйынлы джети элге оноу этер.
- Бети – къучакълар, джюреги – бычакълар.
- Адамны аты башхача, акъылы да башхады.
- Акъдан къара болмаз.
- Бети бедерден, намыс сакълама.
- Чомартха хар кюн да байрамды.
- Джашлыкъ этмеген, башлыкъ этмез.
- Ётген ёмюр – акъгъан суу.
- Джашда акъыл джокъ, къартда къарыу джокъ.
- Ёлген ийнек сютлю болур.
- Накъырда – кертини келечиси.
- Окъугъан – асыу, окъумагъан – джарсыу.
- Чакъырылмагъан джерге барма, чакъырылгъан джерден къалма.
- Сёз – кюмюш, джыр – алтын.
- Аджалсыз ёлюм болмаз.
- Бет бетге къараса, бет да джерге къарар.
- Ышармагъан – кюлмез, кюлмеген – къууанчны билмез.
- Таукел къуру къалмаз.
- Ашхы – джыяр, аман – джояр.
