- Иги джашны ышаны – аз сёлешиб, кёб тынгылар.
- Эли джокъну – кёлю джокъ.
- Биреуге аманлыкъ этиб, кесинге игилик табмазса.
- Чакъырылмагъан къонакъ къачан кетерин сормаз.
- Таукел тауну аудурур.
- Суугъа – таянма, джаугъа – ийнанма.
- Чомартны къолу берекет.
- Адебни адебсизден юрен.
- Тойгъандан сора, ашны сёкме.
- Джарашыу сюйген – джалынчакъ.
- Ачны эсинде – аш.
- Абынмазлыкъ аякъ джокъ, джангылмазлыкъ джаякъ джокъ.
- Кёл – къызбай, къол – батыр.
- Ашарыкъда сайлагъаннга – чий гырджын.
- Ач къарынны, токъ билмез
- Джеринден айырылгъан – джети джылар, джуртундан айырылгъан – ёлгюнчю джылар.
- Ойнай-ойнай кёз чыгъар.
- Бал ашаргъа сюе эсенг, чибин ургъаннга тёз.
- Алгъанда – джууукъ, бергенде – джау.
- Билмегенинги, билгеннге сор.
- Кюл тюбюндеги от кёрюнмейди.
- Бети – къучакълар, джюреги – бычакълар.
- Халкъны юйю – туугъан джери.
- Сабий кёргенин унутмаз.
- Дуния мал дунияда къалады.
- Элиб деген, элге болушур.
- Ауузу аманнга «иги», деме.
- Чоюнну башы ачыкъ болса, итге уят керекди.
- Ойнай билмеген, оюн бузар.
- Хансыз джомакъ болмаз.
- Орундукъ тюбюнде атылсам да, орта джиликме, де да айлан.
- Уллу къазанда бишген эт, чий къалмаз.
- Дженгил джетерикме деб, узун джолну къоюб, къысхасын барма.
- Сакъалы текени да бар, мыйыгъы киштикни да бар.
- Ата Джуртуму башы болмасам да, босагъасында ташы болайым.
- Бозанг болмагъан джерге, къалагъынгы сукъма.
- Тенгинг джокъ эсе – изле, бар эсе – сакъла!
- Ашда – бёрю, ишде – ёлю.
- Адам къыйынлыгъын кёлтюрюр, зауукълугъун кёлтюрмез.
- Тилде сюек болмаса да, сюек сындырыр.
- Болджал ишни бёрю ашар.
- Джыгъылгъанны сырты джерден тоймаз.
- Рысхысына кёре, джаш ёсер, къышлыгъына кёре, мал ёсер.
- Аш берме да, къаш бер.
- Кёб джат да, бек чаб.
- Башсыз урчукъ тюзюне айланмаз.
- Сагъыш – къартлыкъгъа сюйюмчю.
- Ышармагъан – кюлмез, кюлмеген – къууанчны билмез.
- Аякъларынгы джууургъанынга кёре узат.
- Къонакъ аман болса, къонакъбай джунчур
