- Тойну къарнашы – харс, джырны къарнашы – эжиу.
- Мураты болгъанны джюрек тебюую башхады.
- Къарнынг къанлынга кийирир.
- Алтыннга тот къонмаз.
- Тойгъандан сора, ашны сёкме.
- Мал кёб болса, джууукъ кёб болур.
- Тилсиз миллет джокъ болур.
- Намысы джокъну – дуниясы джокъ.
- Окъумагъан сокъурду, сокъур ташха абыныр!
- Харам къарнашдан, халал тенг ашхы.
- Таукел къуру къалмаз.
- Билим ат болуб да чабар, къуш болуб да учар.
- Сакъламагъан затынга джолукъсанг, не бек къууанаса, не бек ачыйса.
- Тойгъан джерге джети къайт.
- Аман хансны – урлугъу кёб.
- Кёл – къызбай, къол – батыр.
- Бёрю да ач къалмасын, эчки да ашалмасын.
- Азыгъы аз, алгъа къабар, аты аман, алгъа чабар.
- Бек анасы джыламаз.
- Тюзлюк тас болмайды.
- Тынгылагъан тынгы бузар.
- Аман адамны тепсинге олтуртсанг, къызынгы тилер.
- Чалманны аллы къалай башланса, арты да алай барады.
- Байны оноуу, джарлыгъа джарамаз.
- Иги сеники эсе да, сюйген кесимикин этеме.
- Аманнга да, игиге да оноусуз къатышма.
- Ашхы сёз таш тешер.
- Кенгеш болса, уруш болмаз.
- Оюмсуз атлагъан, аджалсыз ёлюр.
- Сютню башын джалагъан къутулур, тюбюн ичген тутулур.
- Тамырсыз терекге таянма – джыгъылырса.
- Къобан да къуру да къобханлай турмайды, адам да къуру да патчахлай турмайды.
- Эли джокъну – кёлю джокъ.
- Гугурук къычырмаса да, тангны атары къалмаз.
- Къатыны харакетли болса, эри къымсыз болур.
- Къарны аманнга къазан такъдырма, къолу аманнга от джакъдырма.
- Билимсиз иш бармаз.
- Ариу джол аджал келтирмез.
- Айран ичген – къутулду, джугъусун джалагъан – тутулду.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Къар – келтирди, суу – элтди.
- Мухарны эси – ашарыкъда.
- Ашхы адам – халкъ байлыгъы, ашхы джер – джашау байлыгъы.
- Эллинг бла джау болсанг да, юйюнг бла джау болма.
- Билмегенинги, билгеннге сор.
- Джашда акъыл джокъ, къартда къарыу джокъ.
- Кимни – тили, тиши онглу, кимни – къолу, иши онглу.
- Алгъанда – джууукъ, бергенде – джау.
- Джукъу тёшек сайламайды.
- Юй ишлеген балта эшикде къалыр.
