Сагъышы джокъ – джукъучу, акъылы джокъ – къаугъачы.
Кёпюр салгъан кеси ётер, уру къазгъан кеси кетер.
«Ёгюз, джаргъа джууукъ барма, меннге джюк боллукъса», - дегенди эшек.
Мадар болса, къадар болур.
Аз сёлеш, кёб ишле.
Къызбайны юйюне дери сюрсенг, батыр болур.
Этни да ашады, бетни да ашады.
Тик ёргени, тик энгишгеси да болады.
Таш бла ургъанны, аш бла ур.
Келинин тута билмеген, къул этер, къызын тута билмеген, тул этер.
Тешик этген тынчды, аны джамагъан къыйынды.
Тойгъан антын унутур.
Онгсузну – джакъла, тенгликни – сакъла.
Кенгеш болса, уруш болмаз.
Къартны сыйын кёрмеген, къартлыгъында сыйлы болмаз.
Ашарыкъда сайлагъаннга – чий гырджын.
Эте билген, этген этеди, эте билмеген, юретген этеди!
Тешигини къатында, чычхан да батыр болур.
Адам туугъан джеринде, ит тойгъан джеринде.
Джырчы джырчыгъа – къарнаш.
Ариу сёз джыланны орнундан чыгъарыр.
Мал тутхан – май джалар.
От этилмеген джерден тютюн чыкъмайды.
Джаш къарыу бла кючлю, къарт акъыл бла кючлю.
Адамны аманы адамны бети бла ойнар.
Илму – джашауну джолу.
Иги – алгъыш этер, аман – къаргъыш этер.
Къарны аманнга къазан такъдырма, къолу аманнга от джакъдырма.
Аман хансны – урлугъу кёб.
Ишлерге уял да, ашаргъа табма.
Джюрекден джюрекге джол барды.
Чабакъ башындан чирийди.
Зар адам ашынгы ашар, кесинги сатар.
Къошда джокъгъа – юлюш джокъ.
Джарашыу сюйген – джалынчакъ.
Чабар ат – джетген къыз.
Биреуге аманлыкъ этиб, кесинге игилик табмазса.
Къая джолда джортма, ачыкъ сёзден къоркъма.
Экиндини кеч къылсанг, чабыб джетер ашхам.
Аз айтсам, кёб ангылагъыз.
Намысы джокъну – дуниясы джокъ.
Бичгенде ашыкъма, тикгенде ашыкъ.
Джашда акъыл джокъ, къартда къарыу джокъ.
Джарлыны тону джаз битер.
Тили узунну, намысы – къысха.
Ашатыргъа иш – ашхы, ишлетирге аш – ашхы.
Башсыз урчукъ тюзюне айланмаз.
Окъуу – билимни ачхычы, окъуу – дунияны бачхычы.
Баш болса, бёрк табылыр.
Бир онгсуз адам адет чыгъарды, деб эштирик тюлсе.
