Миллетни бойну – базыкъ, аны бла кюрешген – джазыкъ.
Таукел къуру къалмаз.
Телиге акъыл салгъандан эсе, ёлгеннге джан салырса.
Мен да «сен», дейме, сен да «кесим», дейсе.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Джумушакъ сёз къаты таякъны сындырыр.
Акъдан къара болмаз.
Бал чибинни ургъаны – ачы, балы – татлы.
Ёлмесенг да, къарт дамы болмазса?
Гугурук къычырмаса да, тангны атары къалмаз.
Уллу сёлешме да, уллу къаб.
Тойгъан джерден туугъан джер игиди.
Ёгюзню мюйюзлери ауурлукъ этмейдиле.
Экеу тутушса, биреу джыгъылыр.
Алтыда кюлмеген, алтмышда кюлмез.
Бал ашаргъа сюе эсенг, чибин ургъаннга тёз.
Орну джокъну – сыйы джокъ.
Уллу къашыкъ эрин джыртар.
Тик ёргени, тик энгишгеси да болады.
Адам боллукъ, атламындан белгили болур.
Къызын тута билмеген, тул этер, джашын тута билмеген, къул этер.
Аякъларынгы джууургъанынга кёре узат.
Къанны къан бла джуума, аманны аман бла къуума.
Иги болса, тамадама – махтау, аман болса, меннге – айыб.
Иесиз малны бёрю ашар.
Бал – татлы, балдан да бала – татлы.
Юйлю уругъа ит чабмаз.
Хар сёзню орну барды.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Айранны сюйген, ийнек тутар.
Къызгъанчдан ычхыныр, мухардан ычхынмаз.
Рысхысына кёре, джаш ёсер, къышлыгъына кёре, мал ёсер.
Джаз бир кюнню джатсанг, къыш талай кюнню абынырса.
Джиби бир къат джетмей эди да, эки къат тарта эди.
Тура эдим джата, къайдан чыкъды хата?
Сабий кёргенин унутмаз.
Кесинге джетмегенни, кёб сёлешме.
«Ма», - дегенни билмесенг, «бер», - дегенни билмезсе.
Уллу атлама – абынырса, уллу къабма – къарылырса.
Танг атмайма десе да, кюн къоярыкъ тюйюлдю.
Ёзденликни кёбю ётюрюк.
Къатын къылыкъсыз, эр тынчлыкъсыз.
Биреуню эскиси биреуге джангы болмайды.
Ойнай билмеген, уруб къачар.
Кирсизни – саны таза, халалны – къаны таза.
Тас болгъан бычакъны сабы – алтын.
Джашны джигитлиги сорулур, къызны джигерлиги сорулур.
Ата – билек, ана – джюрек!
Тёгюлген тюгел джыйылмайды.
Къайгъы тюбю – тенгиз.
