- Агъач халкъгъа алтынды, иссиликге салкъынды.
- Чёбню кёлтюрсенг, тюбюнден сёз чыгъар.
- Ач уят къоймаз.
- Ачлыкъда тары гырджын халыуадан татлы.
- Къаллай салам берсенг, аллай джууаб алырса.
- Къарт болгъан джерде, берекет болур, сабий болгъан джерде, оюн болур.
- Джеринден айырылгъан – джети джылар, джуртундан айырылгъан – ёлгюнчю джылар.
- Арпа, будай – ащды, алтын, кюмюш а – ташды.
- Огъурлуну сёзю – суу, огъурсузну сёзю – уу.
- Къонакъ аман болса, къонакъбай джунчур
- Юй кюйдю да, кюйюз чыкъды, ортасындан тюйюш чыкъды.
- Тюзлюк шохлукъну бегитир.
- Харам къарнашдан, халал тенг ашхы.
- Джыгъылгъанны сырты джерден тоймаз.
- Минг тенг да азды, бир джау да кёбдю.
- Накъырданы арты керти болур.
- Кирсизни – саны таза, халалны – къаны таза.
- Ач къалгъандан, кеч къалгъан къолай.
- Нарт сёз – тилни бети.
- Чакъырылмагъан къонакъ – орунсуз.
- Ашда уялгъан – мухар, ишде уялгъан – хомух.
- Эки къатын алгъанны къулагъы тынгнгаймаз.
- Иги – алгъыш этер, аман – къаргъыш этер.
- Тюзню ётмеги тюзде къалса да, тас болмаз.
- Къартха ушагъан джаш – акъыллы, джашха ушагъан къарт – тели.
- Джашлыкъ этмеген, башлыкъ этмез.
- Сабыр джетер муратха, сабырсыз къалыр уятха.
- Джюрекден джюрекге джол барды.
- Атлыны ашхысы, ат тизгининден билинир
- Хоншуну тауугъу къаз кёрюнюр, келини къыз кёрюнюр.
- Мухардан ач ычхынмаз.
- Алим болгъандан эсе, адам болгъан къыйынды.
- Кесине оноу эте билмеген, халкъына да эте билмез.
- Кюлме джашха – келир башха.
- Ана къойну – балагъа джандет.
- Татлы тилде – сёз ариу, чемер къолда – иш ариу.
- Бойнуму джети джерден кессенг да, мен ол ишни этеллик тюлме.
- Аман адамны тепсинге олтуртсанг, къызынгы тилер.
- Ашхы болсанг, атынг чыгъар, аман болсанг, джанынг чыгъар.
- Аман киши кеси юйюнде – къонакъ.
- Хунаны тюбюн къазсанг, юсюнге ауар.
- Киштикге къанат битсе, чыпчыкъ къалмаз эди.
- Ач бёрюге мекям джокъ.
- Кёпюр салгъан кеси ётер, уру къазгъан кеси кетер.
- Башда акъыл болмаса, эки аякъгъа кюч джетер.
- Къыз келсе, джумуш эте келеди, къатын келсе, ушакъ эте келеди.
- Юйюнгден чыкъдынг – кюнюнгден чыкъдынг.
- Джырчы джырчыгъа – къарнаш.
- Айыбны суу бла джууалмазса.
- Таукел адам тау тешер.
фильм
22.03.2011 05:03:48
Кто знает где искать? фильма Пророка Йюсуфа сын Пророка Якуба мир им 1 и 3 сезон
|
|
|
|
22.03.2011 12:37:21
Кто знает где искать? фильма Пророка Йюсуфа сын Пророка Якуба мир им 1 и 3 сезон
ТРЕТИЙ СЕЗОН ФИЛЬМА О ПРОРОКУ ЙУСУФЕ ПЕРВЫЙ СЕЗОН ФИЛЬМА О ПРОРОКУ ЙУСУФЕ |
||||
|
|
|||
Читают тему (гостей: 1)