- Джангыз терек къынгыр ёсер.
- Билгенни къолу къарны джандырыр.
- Ушамагъан – джукъмаз.
- Чомарт бергенин айтмаз.
- Эски джаугъа ышанма.
- Тойгъандан сора, ашны сёкме.
- Айранын берсенг, челегин да къызгъанма.
- Нёгерсизни джолу узун.
- Окъугъан озар, окъумагъан тозар.
- Ётюрюкню башын керти кесер.
- Ата джурт – алтын бешик.
- Накъырданы арты керти болур.
- Эшекге миннген – биринчи айыб, андан джыгъылгъан – экинчи айыб.
- Акъылсызны джууукъгъа алма, акъыллыны кенгнге салма.
- Къолунгдан къуймакъ ашатсанг да, атаны борчундан къутулмазса.
- Ашатыргъа иш – ашхы, ишлетирге аш – ашхы.
- Элде адам къалмаса, ит тахтагъа минер.
- Тамбла алтындан бюгюн багъыр ашхы.
- Бал ашаргъа сюе эсенг, чибин ургъаннга тёз.
- Къыз тиширыу кеси юйюнде да къонакъды.
- Ариу сёз – джаннга азыкъ, аман сёз – башха къазыкъ.
- Бет бетге къараса, бет да джерге къарар.
- Адеб базарда сатылмаз.
- Къайгъыны сюйген, къайгъы табар.
- Тешик этген тынчды, аны джамагъан къыйынды.
- Тойчу джашха къарама, къойчу джашха къара.
- Этим кетсе да, сюегим къалыр.
- Акъыллы эркиши атын махтар, акъылсыз эркиши къатынын махтар.
- Аууздан келген, къолдан келсе, ким да патчах болур эди.
- Джогъун бар этген, барын бал этген.
- Огъурлуну сёзю – суу, огъурсузну сёзю – уу.
- Эрни эр этерик да, къара джер этерик да, тиширыуду.
- Бермеген къол, алмайды.
- Къоркъакъны кёзю экили кёрюр.
- Арыгъан къош чамчы болур.
- Аманнга алтын чыдамаз.
- Иги адамны бир сёзю эки болмаз.
- Къонакъ болсанг, ийнакъ бол.
- Адам туугъан джеринде, ит тойгъан джеринде.
- Чомарт къолда мал къалмаз.
- Тилчи тилден къаныкъмаз.
- Адеб джокъда, намыс джокъ.
- Эрине къаргъыш этген къатын, эрнин къабар.
- Иги бла джюрюсенг, джетерсе муратынга, аман бла джюрюсенг, къалырса уятха.
- Чомартны къолу берекет.
- Орну джокъну – сыйы джокъ.
- Орундукъ тюбюнде атылсам да, орта джиликме, де да айлан.
- Иги адам абынса да, джангылмаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ауругъанны сау билмез, ач къарынны токъ билмез.
Ошибка!
Для просмотра темы введите ваши логин и пароль.Пожалуйста, авторизуйтесь: