- Намысы джокъну – дуниясы джокъ.
- Юйюнг бла джау болгъандан эсе, элинг бла джау бол.
- Къатын къылыкъсыз, эр тынчлыкъсыз.
- Джарлыны эшигин махтагъан джабар.
- Ким бла джюрюсенг, аны кёзю бла кёрюнюрсе.
- Миллетни бойну – базыкъ, аны бла кюрешген – джазыкъ.
- Ичимден чыкъды хата, къайры барайым сата?
- Айырылгъанланы айю ашар, бёлюннгенлени бёрю ашар.
- Билимден уллу байлыкъ джокъду.
- Адамны бетине къарама, адетине къара.
- Аз сёлешген, къайгъысыз турур.
- Ашхы атаны – джашы ашхы, ашхы ананы – къызы ашхы.
- Накъырда – кертини келечиси.
- Тойчу джашха къарама, къойчу джашха къара.
- Айырылмаз джууугъунга, унутмаз сёзню айтма.
- Байлыкъ тауусулур, билим тауусулмаз.
- Сибиртки да сыйлы болду, кюрек да кюнлю болду.
- Зар адамны насыбы болмаз.
- Эки къатын алгъанны къулагъы тынгнгаймаз.
- Ата Джуртча джер болмаз, туугъан элча эл болмаз.
- Аман къатын сабий табса, бий болур…
- Ата Джуртуму башы болмасам да, босагъасында ташы болайым.
- Тиширыусуз юй – отсуз от джагъа.
- Къонакъ кёб келюучю юйню, къазаны отдан тюшмез.
- Чакъырылгъанны аты, чакъырылмагъанны багъасы болур.
- Агъач – джерни чырайы, кийим – эрни чырайы.
- Ашыкъгъанны этеги бутуна чырмалыр.
- Арба аугъандан сора, джол кёргюзтюучю кёб болур.
- Хаухну атма, ёнгкючню сатма.
- Мен да «сен», дейме, сен да «кесим», дейсе.
- Ашына кёре табагъы, балына кёре къалагъы.
- Чыкълы кюнде чыкъмагъан, чыкъса къуру кирмеген.
- Бозаны арты дауур болур.
- Чомарт джарлы болмаз.
- Джогъун бар этген, барын бал этген.
- Адам къаллай бир ишленмесе, аллай бир кесин уллу кёреди.
- Бюгюн дуния кибик, тамбла ахыратды.
- Ёзденликни кёбю ётюрюк.
- Намыс болмагъан джерде, насыб болмаз.
- Терслик кетер, тюзлюк джетер.
- Чомартха Тейри да борчлуду.
- Ишни аллы бла къууанма да, арты бла къууан.
- Къарнынг къанлынга кийирир.
- Ариу джол аджал келтирмез.
- Аманнга алтын чыдамаз.
- Биреуню тёрюнден, кесинги эшик артынг игиди.
- Aдам боллукъ, сыфатындан белгили.
- Эл ауузу – элия.
- Алтыннга тот къонмаз.
- Ач да бол, токъ да бол – намысынга бек бол.
Ошибка!
Для просмотра темы введите ваши логин и пароль.Пожалуйста, авторизуйтесь: