- Юйлю уругъа ит чабмаз.
- Адеб этмеген, адеб кёрмез.
- Билмегенинги, билгеннге сор.
- Керти сёзге тёре джокъ.
- Экеулен сёлеше тура эселе, орталарына барыб кирме.
- Ишни ахырын ойламай, аллын башлама.
- Алтыда кюлмеген, алтмышда кюлмез.
- Ауругъан – джашаудан умутчу.
- Ашда – бёрю, ишде – ёлю.
- Итли къонакъ джарашмаз.
- Джарлыны тону джаз битер.
- Тынгылагъан тынгы бузар.
- Эм уллу байлыкъ – джан саулукъ.
- Тулпарлыкъ, билекден тюл – джюрекден.
- Джюрек кёзден алгъа кёрюр.
- Бек ашыкъгъан меннге джетсин, дегенди аракъы.
- Бетинги сатма, малынгы сат.
- Къыз чыгъаргъан – къызыл къымжа.
- Тёрдеги кюлсе, эшикдеги ышарыр.
- Билим къая тешер.
- Аш берме да, къаш бер.
- Айтханы чапыракъдан ётмеген.
- Къайтырыкъ эшигинги, къаты уруб чыкъма.
- Гырджын – тепсини тамадасы.
- Этни да ашады, бетни да ашады.
- Айран ичген – къутулду, джугъусун джалагъан – тутулду.
- Тойгъандан сора, ашны сёкме.
- Джарашыу сюйген – джалынчакъ.
- Джуртун къоругъан озар.
- Тойчу джашха къарама, къойчу джашха къара.
- Адамны аты башхача, акъылы да башхады.
- Сангырау къулакъ эл бузар.
- Эски джаугъа ышанма.
- Атынг аманнга чыкъгъандан эсе, джанынг тамагъынгдан чыкъсын.
- Адебсиз адам – джюгенсиз ат.
- Ёгюзню мюйюзлери ауурлукъ этмейдиле.
- Къарнынг тойгъунчу аша да, белинг талгъынчы ишле.
- Таякъ этден ётер, тил сюекден ётер.
- Джиби бир къат джетмей эди да, эки къат тарта эди.
- Аш кетер да бет къалыр.
- Эки элинги тыйсанг, джети элде махталырса.
- Бозанг болмагъан джерге, къалагъынгы сукъма.
- Ойнай-ойнай кёз чыгъар.
- Зар адам ашынгы ашар, кесинги сатар.
- Адам къаллай бир ишленмесе, аллай бир кесин уллу кёреди.
- Насыб бютеу халкъны юлюшюдю.
- Къонакъ болсанг, ийнакъ бол.
- Ёксюзню тилеги къабыл болур.
- Тёзгеннге, джабылгъан эшик ачылыр.
- Аманны эки битли тону болур, бирин сеннге кийдирир, бирин кеси киер.
[ Закрыто ] Карачаевцы в Новой Зеландии
Читают тему (гостей: 1)