- Мени джылытмагъан кюн, меннге тиймесин!
- Окъуу – билимни ачхычы, окъуу – дунияны бачхычы.
- Адам къаллай бир ишленмесе, аллай бир кесин уллу кёреди.
- Ач бёрюге мекям джокъ.
- Иги – алгъыш этер, аман – къаргъыш этер.
- Эртде тургъан бла эртде юйленнген сокъуранмаз.
- Джетген къыз джерли эшекни танымаз.
- Хата – гитчеден.
- Ана – юйню кюн джарыгъы.
- Борчунг бар эсе, хурджунунга ойлаб узал.
- Дженгил джетерикме деб, узун джолну къоюб, къысхасын барма.
- Кёбден умут этиб, аздан къуру къалма.
- Биреуге кёлтюрген таягъынг, кесинги башынга урур.
- Кёзюнде тереги болгъан, чёбю болгъаннга кюле эди.
- Ашыкъгъан cуу, тенгизге джетмез.
- Билими азны – ауузунда кирит.
- Къазанда болса, чолпугъа чыгъар.
- Бек ашыкъгъан меннге джетсин, дегенди аракъы.
- Джюз элде джюз ёгюзюм болгъандан эсе, джюз джууугъум болсун.
- Дуния мал дунияда къалады.
- Билгенни къолу къарны джандырыр.
- Магъанасыз сёз – тауушсуз сыбызгъы.
- Аманны эки битли тону болур, бирин сеннге кийдирир, бирин кеси киер.
- Аджашханны ызындагъы кёреди, джангылгъанны джанындагъы биледи.
- Акъыллы башны – тили къысха.
- Байлыкъ адамны сокъур этер.
- Джангыз терек къынгыр ёсер.
- Аш кетер да бет къалыр.
- Билимли ёлмез, билимсиз кёрмез.
- Айраннга суу къош, телиге джол бош.
- Дууулдаса – бал чибин, къонса – къара чибин.
- Намыс болмагъан джерде, насыб болмаз.
- Ишлемеген – тишлемез.
- Арбаз къынгырды да, ийнек сауалмайма.
- Джерни букъусу кёкге къонмаз.
- Сёлеш деб шай берген, тохта деб, сом берген.
- Миллетни бойну – базыкъ, аны бла кюрешген – джазыкъ.
- Таякъ этден ётер, тил сюекден ётер.
- Таш бла ургъанны, аш бла ур.
- Эки элинги тыйсанг, джети элде махталырса.
- Нёгер болсанг, тенг бол, тенг болмасанг, кенг бол.
- Эте билген, этген этеди, эте билмеген, юретген этеди!
- Булут кёкге джарашыу, уят бетге джарашыу.
- Босагъагъа джууукъ орун болса, ашыгъыб тёрге озма.
- Хаухну атма, ёнгкючню сатма.
- Чакъырылмагъан къонакъ тёрге атламаз.
- Кюн – узун, ёмюр – къысха.
- Адамны джюреги нени кёрюрге сюйсе, кёзю да аны кёрюрге ёч болады.
- Ач къарным, тынч къулагъым.
- Аджаллыгъа окъсуз шкок атылыр.
[ Закрыто ] Карачаевцы в Новой Зеландии
Читают тему (гостей: 1)