- Айран тёгюлсе, джугъусу къалыр.
- Азыкъ аз болса, эртде орун сал.
- Мухар, кеси тойса да, кёзю тоймаз.
- Къыз келсе, джумуш эте келеди, къатын келсе, ушакъ эте келеди.
- Аз айтсам, кёб ангылагъыз.
- Аманны эки битли тону болур, бирин сеннге кийдирир, бирин кеси киер.
- Тойчу джашха къарама, къойчу джашха къара.
- Джарашыу сюйген – джалынчакъ.
- Ёпкелегенни ашы татлы болады.
- Рысхысына кёре, джаш ёсер, къышлыгъына кёре, мал ёсер.
- Сескекли кесин билдирир.
- Бети – къучакълар, джюреги – бычакълар.
- Кечеси – аяз, кюню – къыш, джарлы къаргъагъа бир аш тюш!
- Окъдан джара эртде-кеч болса да бителир, сёз джара, ёмюрге къалыр.
- Чомарт бергенин айтмаз.
- Ачылгъан эт джабылыр, кёрген кёз унутмаз.
- Огъурлуну сёзю – суу, огъурсузну сёзю – уу.
- Юреннген ауруу къалмаз.
- Ёлюр джаннга, ёкюл джокъ.
- Чалманны аллы къалай башланса, арты да алай барады.
- Ата джурт – алтын бешик.
- Ургъан суудан башынгы сакъла.
- Байлыкъ болгъан джерде, тынчлыкъ джокъду.
- Къызын тута билмеген, тул этер, джашын тута билмеген, къул этер.
- Кёбню кёрген – кёб билир.
- Кимни – тили, тиши онглу, кимни – къолу, иши онглу.
- Ашын ашагъанынгы, башын да сыйла.
- Асхат ашлыкъ сата, юйдегиси ачдан къата.
- Дженгил джетерикме деб, узун джолну къоюб, къысхасын барма.
- Элиб деген, элге болушур.
- Азыкълы ат арымаз, къатыны аман джарымаз.
- Ишлегенде эринме, ишде чолакъ кёрюнме.
- Насыблы элин сюер, насыбсыз кесин сюер.
- Тюзлюк шохлукъну бегитир.
- Ата Джуртча джер болмаз, туугъан элча эл болмаз.
- Ишлегенден, къарагъан уста.
- Бек анасы джыламаз.
- Биреуге аманлыкъны тилеме да, кесинге ашхылыкъны тиле.
- Тёзген – тёш ашар!
- Тас болгъан бычакъны сабы – алтын.
- Аман хансны – урлугъу кёб.
- Кёл ашады да, кеси ашады.
- Босагъа таш юйге кирмей эди, тыбыр таш эшикге чыкъмай эди.
- Джангызны оту джарыкъ джанмаз!
- Акъылсызны джууукъгъа алма, акъыллыны кенгнге салма.
- Битмегеннге сакъал – танг.
- Къан бла кирген, джан бла чыгъар.
- Чакъырылмагъан къонакъ тёрге атламаз.
- Къошда джокъгъа – юлюш джокъ.
- Джангыз терек къынгыр ёсер.
[ Закрыто ] Бизни миллет джер юсюнде сакъланырмы?
Читают тему (гостей: 1)