- Къууут – джелге, берне – бошха.
- Термилгенинги табмазса, кюлгенинге тюберсе.
- Халкъны джырын джырласанг, халкъ санга эжиу этер.
- Джигер – джаннга къыйынлыкъ.
- Кёбню кёрген – кёб билир.
- Джаш къарыу бла кючлю, къарт акъыл бла кючлю.
- Элни кючю – эмеген.
- Биреуге аманлыкъ этиб, кесинге игилик табмазса.
- Ишленмеклик адамлыкъды.
- Акъыл аздырмаз, билим тоздурмаз.
- Чоюнну башы ачыкъ болса, итге уят керекди.
- Онгсузну – джакъла, тенгликни – сакъла.
- Телиге от эт десенг, юйюнге от салыр.
- Эки къатын алгъан – эки ташны ортасына башын салгъан.
- Тау башында, тау болмаз, джангыз терек, бау болмаз.
- Джарлы тюеге минсе да, ит къабар.
- Кёб къычыргъандан – къоркъма, тынч олтургъандан – къоркъ.
- Билим – акъылны чырагъы.
- Магъанасыз сёз – тауушсуз сыбызгъы.
- Тилде сюек болмаса да, сюек сындырыр.
- Байлыкъ болгъан джерде, тынчлыкъ джокъду.
- Эринчекни аурууу – кёб.
- Кесине оноу эте билмеген, халкъына да эте билмез.
- «Ёгюз, джаргъа джууукъ барма, меннге джюк боллукъса», - дегенди эшек.
- Кийимни бир кюнню аясанг, минг кюннге джарар.
- Ёзденликни кёбю ётюрюк.
- Тик ёргени, тик энгишгеси да болады.
- Ат да турмайды бир териде.
- Ариу – кёзге, акъыл – джюрекге.
- Рысхысына кёре, джаш ёсер, къышлыгъына кёре, мал ёсер.
- Ана – юйню кюн джарыгъы.
- Аман адамны тепсинге олтуртсанг, къызынгы тилер.
- Ат басханны джер билед.
- Юйюнгден чыкъдынг – кюнюнгден чыкъдынг.
- Ишлегенден, къарагъан уста.
- Тёрени джагъы джокъ.
- Шекер бла туз – бир болмаз, ушамагъан – юй болмаз.
- Окъугъан – асыу, окъумагъан – джарсыу.
- Бичгенде ашыкъма, тикгенде ашыкъ.
- Акъыллы айтыр эди, акъылсыз къоймайды.
- Ётюрюкден тюбю джокъ, кёлтюрюрге джиби джокъ.
- Суугъа – таянма, джаугъа – ийнанма.
- Ата – баланы уясы.
- Ариу сёз джыланны орнундан чыгъарыр.
- Билими азны – ауузунда кирит.
- Сёз къанатсыз учар.
- Къартха ушагъан джаш – акъыллы, джашха ушагъан къарт – тели.
- Акъыл бла адеб эгизледиле.
- Насыб бютеу халкъны юлюшюдю.
- Ач къалгъандан, кеч къалгъан къолай.
[ Закрыто ] Что вы думаете о человеке постом выше?))
Читают тему (гостей: 1)