- Малны кют, джерни тюрт.
- Ётген ёмюр – акъгъан суу.
- Хунаны тюбюн къазсанг, юсюнге ауар.
- Къатын къылыкъсыз, эр тынчлыкъсыз.
- Суу ичген шауданынга тюкюрме.
- Акъыл аздырмаз, билим тоздурмаз.
- Эрине къаргъыш этген къатын, эрнин къабар.
- Таш ата билмеген, башына урур.
- Къартха ушагъан джаш – акъыллы, джашха ушагъан къарт – тели.
- Тамбла алтындан бюгюн багъыр ашхы.
- Къонакъ кёб келюучю юйню, къазаны отдан тюшмез.
- Кийим тукъум сордурур.
- Аманны эки битли тону болур, бирин сеннге кийдирир, бирин кеси киер.
- Уруну арты – къуру.
- Кюн – узун, ёмюр – къысха.
- Окъугъанны бети джарыкъ.
- Ариу джол аджал келтирмез.
- Джюрекден джюрекге джол барды.
- Азыкълы ат арымаз, къатыны аман джарымаз.
- Къайгъы тюбю – тенгиз.
- Байлыкъ тауусулур, билим тауусулмаз.
- Джерни букъусу кёкге къонмаз.
- Къууут – джелге, берне – бошха.
- Булут кёкге джарашыу, уят бетге джарашыу.
- Башсыз урчукъ тюзюне айланмаз.
- Байны къызы баймакъ болса да, юйде къалмаз!
- Нёгер болсанг, тенг бол, тенг болмасанг, кенг бол.
- Аман адамны тепсинге олтуртсанг, къызынгы тилер.
- Къыз келсе, джумуш эте келеди, къатын келсе, ушакъ эте келеди.
- Къыйынлы джети элге оноу этер.
- Намысы джокъну – дуниясы джокъ.
- Алим болгъандан эсе, адам болгъан къыйынды.
- Аш берме да, къаш бер.
- Кёб къычыргъандан – къоркъма, тынч олтургъандан – къоркъ.
- Эртде тургъан джылкъычыны эркек аты тай табар.
- Тойну къарнашы – харс, джырны къарнашы – эжиу.
- Эртде тургъан бла эртде юйленнген сокъуранмаз.
- Ата Джуртун танымагъан, атасын да танымаз.
- Кийиминг бла танылма, адамлыкъ бла таныл.
- Ашлыкъны арба юйге келтирир, чана базаргъа элтир.
- Ач къарным, тынч къулагъым.
- Ётюрюкню башын керти кесер.
- Къазанда болса, чолпугъа чыгъар.
- Къартны бурнун сюрт да, оноугъа тут.
- Ата Джуртча джер болмаз, туугъан элча эл болмаз.
- Дууулдаса – бал чибин, къонса – къара чибин.
- Айран тёгюлсе, джугъусу къалыр.
- Сабий кёргенин унутмаз.
- Гыдай эчки суугъа къараб, мюйюзле кёрмесе, джашма алкъын, дегенди.
- Рысхы – сют юсюнде кёмюк кибикди.
[ Закрыто ] Что вы думаете о человеке постом выше?))
Читают тему (гостей: 1)