- Нарт сёз къарт болмаз.
- Юй ишлеген балта эшикде къалыр.
- Тас болгъан бычакъны сабы – алтын.
- Тюзню ётмеги тюзде къалса да, тас болмаз.
- Аз сёлешген, къайгъысыз турур.
- Сёз – кюмюш, джыр – алтын.
- Джахил болса анасы, не билликди баласы?
- Тёзгеннге, джабылгъан эшик ачылыр.
- Сагъыш – къартлыкъгъа сюйюмчю.
- Къызбайны юйюне дери сюрсенг, батыр болур.
- Окъуу – билимни ачхычы, окъуу – дунияны бачхычы.
- Биреуню тёрюнден, кесинги эшик артынг игиди.
- Онгсузну – джакъла, тенгликни – сакъла.
- Юреннген ауруу къалмаз.
- Башсыз урчукъ тюзюне айланмаз.
- Айран ичген – къутулду, джугъусун джалагъан – тутулду.
- Чомарт къолда мал къалмаз.
- Тилчи тилден къаныкъмаз.
- Аллахдан тилесенг, кёб тиле.
- Сибиртки да сыйлы болду, кюрек да кюнлю болду.
- Аджашханны ызындагъы кёреди, джангылгъанны джанындагъы биледи.
- Айран тёгюлсе, джугъусу къалыр.
- Ёлген ийнек сютлю болур.
- Башынга джетмегенни сорма.
- Эрни эр этерик да, къара джер этерик да, тиширыуду.
- Адамны сабийин сюйген джюреги, бычакъча, джитиди.
- Тенгни тенглиги джашай барсанг билинир.
- Акъыллы башны – тили къысха.
- Эшекге миннген – биринчи айыб, андан джыгъылгъан – экинчи айыб.
- Ата – баланы уясы.
- Душманны тышы – акъ, ичи – къара.
- Нёгерсизни джолу узун.
- Бал чибинни ургъаны – ачы, балы – татлы.
- Къарнынг къанлынга кийирир.
- Кюн – узун, ёмюр – къысха.
- Эл бла кёргенинг эрелей.
- Джарлыны эшигин махтагъан джабар.
- Эки итни арасына сюек атма, эки адамны арасында сёз чыгъарма.
- Элге къуллукъ этмеген, элге ие болмаз.
- Битмегеннге сакъал – танг.
- Уллу айтханны этмеген – уллаймаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Намыс болмагъан джерде, насыб болмаз.
- Къазанны башы ачыкъ болса, итге уят керекди.
- Джыйырма къойну юч джыйырма эбзе кюте эди.
- Акъыл аздырмаз, билим тоздурмаз.
- Адам туугъан джеринде, ит тойгъан джеринде.
- Ашхы – джыяр, аман – джояр.
- Келгинчи, къонакъ уялыр, келгенден сора, къонакъбай уялыр.
- Хунаны тюбюн къазсанг, юсюнге ауар.
[ Закрыто ] Девчонки с Кисловодска
Читают тему (гостей: 1)