- Иши джокъну, сыйы джокъ.
- Джуртун къоругъан озар.
- Керти сёзге тёре джокъ.
- Башы джабылгъан челекге, кир тюшмез.
- Къаллай салам берсенг, аллай джууаб алырса.
- Ашыкъгъан cуу, тенгизге джетмез.
- Алгъанда – джууукъ, бергенде – джау.
- Ёлмесенг да, къарт дамы болмазса?
- Тойчу джашха къарама, къойчу джашха къара.
- Бичгенде ашыкъма, тикгенде ашыкъ.
- Кесинг сынамагъан затны, адамгъа буюрма.
- Сакъалы текени да бар, мыйыгъы киштикни да бар.
- Юйлю уругъа ит чабмаз.
- Ауурну тюбю бла, дженгилни башы бла джюрюген.
- Тин – байлыгъынг, терен саулугъунг.
- Адамны сабийин сюйген джюреги, бычакъча, джитиди.
- Тёрде – темир таякълы, къаяда – чыпчыкъ аякълы.
- Зар адам ашынгы ашар, кесинги сатар.
- Къобан да къуру да къобханлай турмайды, адам да къуру да патчахлай турмайды.
- Зар адамны насыбы болмаз.
- Джыланны къуйругъундан басарынг келсе, аны башы болгъанын унутма.
- Адамны сыфатына къарама, сёзюне къара.
- Сабий кёргенин унутмаз.
- Экеулен сёлеше тура эселе, орталарына барыб кирме.
- Ач къалгъандан, кеч къалгъан къолай.
- Аллахха ийнаннган кишини, Аллах онгдурур ишин.
- Тешик этген тынчды, аны джамагъан къыйынды.
- Бек ашыкъгъан меннге джетсин, дегенди аракъы.
- Кёб къычыргъандан – къоркъма, тынч олтургъандан – къоркъ.
- Билимден уллу байлыкъ джокъду.
- Кёл ашады да, кеси ашады.
- Къолу уллу – асыу, аягъы уллу – джарсыу.
- Тиширыусуз юй – отсуз от джагъа.
- Кёпюр салгъан кеси ётер, уру къазгъан кеси кетер.
- Элге къуллукъ этмеген, элге ие болмаз.
- Байлыкъ тауусулур, билим тауусулмаз.
- Чалманны аллы къалай башланса, арты да алай барады.
- Къарнынг къанлынга кийирир.
- Ашхы адам – халкъ байлыгъы, ашхы джер – джашау байлыгъы.
- Тил бла келеди джыр да.
- Тюзлюк шохлукъну бегитир.
- Аз айтсам, кёб ангылагъыз.
- Къыйынлы джети элге оноу этер.
- От кюйдюрген, сау болса да, тот кюйдюрген, сау болмаз.
- Чомартны къолун джокълукъ байлар.
- Бойнуму джети джерден кессенг да, мен ол ишни этеллик тюлме.
- Кёбден умут этиб, аздан къуру къалма.
- Ётюрюкден тюбю джокъ, кёлтюрюрге джиби джокъ.
- Ишлегенде эринме, ишде чолакъ кёрюнме.
- Ачыкъ джюрекге джол – ачыкъ.
[ Закрыто ] Девчонки с Кисловодска
Читают тему (гостей: 1)