- Аман хансны – урлугъу кёб.
- Айраннга суу къош, телиге джол бош.
- Иги джашны ышаны – аз сёлешиб, кёб тынгылар.
- Агъач халкъгъа алтынды, иссиликге салкъынды.
- Иги адам абынса да, джангылмаз.
- Эм ашхы къайын ана мамукъ бла башынгы тешер.
- Урама да – ёледи, сатама да – келеди.
- Аманнга игилик этсенг, юйюнге сау бармазса.
- Бёрю да ач къалмасын, эчки да ашалмасын.
- Сескекли кесин билдирир.
- Тай асырагъан, атха минер.
- Эки ойлашыб, бир сёлешген.
- Намыс болмагъан джерде, насыб болмаз.
- Дуния мал дунияда къалады.
- Ашаса, ашамаса да, бёрюню ауузу – къан.
- Аман къатын алгъан, арыр, иги къатын алгъан джарыр.
- Билмейме деген – бир сёз
- Ушамагъан – джукъмаз.
- Уллу къазанда бишген эт, чий къалмаз.
- Чомарт къонакъ юй иесин сыйлар.
- Биреуге кёлтюрген таягъынг, кесинги башынга урур.
- Аш берме да, къаш бер.
- Ат басханны джер билед.
- Кюл тюбюндеги от кёрюнмейди.
- Къонакъ аман болса, къонакъбай джунчур
- Къан бла кирген, джан бла чыгъар.
- Абынмазлыкъ аякъ джокъ, джангылмазлыкъ джаякъ джокъ.
- Билген билмегенни юретген адетди.
- Къарнынг тойгъунчу аша да, белинг талгъынчы ишле.
- Терек ауса, отунчу – кёб.
- Бетинги сатма, малынгы сат.
- Сабийни джумушха джибер да, ызындан бар.
- Эки къатын алгъан – эки ташны ортасына башын салгъан.
- Чомарт джарлы болмаз.
- Таш бла ургъанны, аш бла ур.
- Тил – кесген бычакъ, сёз – атылгъан окъ.
- Кютгени беш эчки, сызгъыргъаны уа, джерни джарады.
- Эл ауузу – элек, анга ийнаннган – халек.
- Узун джолну барсанг, бюгюн келирсе, къысха джолну барсанг, тамбла келирсе.
- Аманны къуугъан, аманлыкъ табар.
- Ач – эснер, ат – кишнер.
- Тулпарлыкъ, билекден тюл – джюрекден.
- Айырылмаз джууугъунга, унутмаз сёзню айтма.
- Дуния аламаты сен эсенг да, игиме деб айтма.
- Огъурлуну сёзю – суу, огъурсузну сёзю – уу.
- Къозулугъунда тоймагъан, къойлугъунда тоймаз.
- Айтхан – тынч, этген – къыйын.
- Босагъа таш юйге кирмей эди, тыбыр таш эшикге чыкъмай эди.
- Билгенни къолу къарны джандырыр.
- Юй ишлеген балта эшикде къалыр.
[ Закрыто ] Вопрос джашлагъа, но мнение къызланы тоже важно
Читают тему (гостей: 1)