- Ат басханны джер билед.
- Атадан ёксюз – бир ёксюз, анадан ёксюз – эки ёксюз.
- Тюзлюк тас болмайды.
- Къарнынг тойгъунчу аша да, белинг талгъынчы ишле.
- Къарт айтханны этмеген, къартаймаз.
- Биреуге аманлыкъ этиб, кесинге игилик табмазса.
- Джашны джигитлиги сорулур, къызны джигерлиги сорулур.
- Ёнгкюч къууана барыр, джылай келир.
- Къарын къуру болса, джюрек уру болур.
- Эшекге миннген – биринчи айыб, андан джыгъылгъан – экинчи айыб.
- Туз, гырджын аша, тюзлюк бла джаша.
- Арба аугъандан сора, джол кёргюзтюучю кёб болур.
- Хар зат кесини орнуна иги.
- Къарт бла баш аша, джаш бла аякъ аша.
- Аман хансны – урлугъу кёб.
- Ачлыкъда тары гырджын халыуадан татлы.
- Таш бла ургъанны, аш бла ур.
- Эринчекни аурууу – кёб.
- Къобан да къуру да къобханлай турмайды, адам да къуру да патчахлай турмайды.
- Агъач халкъгъа алтынды, иссиликге салкъынды.
- Къоркъакъны кёзю экили кёрюр.
- Эки къатын алгъан – эки ташны ортасына башын салгъан.
- Керти сёзге тёре джокъ.
- Ханнга да келеди хариблик.
- Уллу суу бла уллу ауруудан башынгы сакъла.
- Эр абынмай, эл танымаз.
- Ишлерге уял да, ашаргъа табма.
- Ашыкъгъанны этеги бутуна чырмалыр.
- Абынмазлыкъ аякъ джокъ, джангылмазлыкъ джаякъ джокъ.
- Кёл – къызбай, къол – батыр.
- Байлыкъ келсе, акъыл кетер.
- Аман киши кеси юйюнде – къонакъ.
- Сангырау къулакъ эл бузар.
- Ёлген аслан – сау чычхан.
- Айран тёгюлсе, джугъусу къалыр.
- Алим болгъандан эсе, адам болгъан къыйынды.
- Джырына кёре эжиую.
- Хар сёзню орну барды.
- Уллу атлама – абынырса, уллу къабма – къарылырса.
- Айран ичген – къутулду, джугъусун джалагъан – тутулду.
- Айтхан – тынч, этген – къыйын.
- Тойгъа барсанг, тоюб бар, эски тонунгу къоюб бар.
- Ашхы болсанг, атынг чыгъар, аман болсанг, джанынг чыгъар.
- Иги – алгъыш этер, аман – къаргъыш этер.
- Кёб джашагъан – кёб билир.
- Намыс сатылыб алынмайды.
- Къазанда болса, чолпугъа чыгъар.
- Къарт болгъан джерде, берекет болур, сабий болгъан джерде, оюн болур.
- Гыдай эчки суугъа къараб, мюйюзле кёрмесе, джашма алкъын, дегенди.
- Билим къая тешер.
[ Закрыто ] Вопрос джашлагъа, но мнение къызланы тоже важно
Читают тему (гостей: 1)