- Тай асырагъан, атха минер.
- Башы ишлегенни, ауузу да ишлер.
- Тилчи тилден къаныкъмаз.
- «Ма», - дегенни билмесенг, «бер», - дегенни билмезсе.
- Джыгъылгъанны сырты джерден тоймаз.
- Ачыу алгъа келсе, акъыл артха къалады.
- Ашхы адам – халкъ байлыгъы, ашхы джер – джашау байлыгъы.
- Чомарт бергенин айтмаз.
- Ушамагъан – джукъмаз.
- Биреу ашаб къутулур, биреу джалаб тутулур.
- Гырджын – тепсини тамадасы.
- Акъдан къара болмаз.
- Тойгъа алгъа да барма, тойда артха да къалма.
- Джерни букъусу кёкге къонмаз.
- Эркишиге тары кебек танг кёрюнюр.
- Къыйынлы джети элге оноу этер.
- Чомарт джарлы болмаз.
- Танг атмайма десе да, кюн къоярыкъ тюйюлдю.
- Джаханимни кёрмей, джандетге кёл салмазса.
- Джарашыу сюйген – джалынчакъ.
- Сабийни джумушха джибер да, ызындан бар.
- Аз сёлешген, къайгъысыз турур.
- Айтханы чапыракъдан ётмеген.
- Къонакъ хазыр болгъанлыкъгъа, къонакъбай хазыр тюлдю.
- Бермеген къол, алмайды.
- Окъумагъан сокъурду, сокъур ташха абыныр!
- Адамны джюреги нени кёрюрге сюйсе, кёзю да аны кёрюрге ёч болады.
- Кёзден кетген, кёлден да кетеди.
- Ариу сёз – къылычдан джити.
- Иги – алгъыш этер, аман – къаргъыш этер.
- Ачыкъ джюрекге джол – ачыкъ.
- Абынмазлыкъ аякъ джокъ, джангылмазлыкъ джаякъ джокъ.
- Ариу сёзде ауруу джокъ.
- Джарлыны тону джаз битер.
- Иши джокъну, сыйы джокъ.
- Ишин билген, аны сыйын чыгъарады.
- Гыдай эчки суугъа къараб, мюйюзле кёрмесе, джашма алкъын, дегенди.
- Ашхы сёз таш тешер.
- Баш болса, бёрк табылыр.
- Джаным-тиним – окъуу, билим.
- Джюрекге ариу – кёзге да ариу.
- Нёгерсизни джолу узун.
- Сыфатында болмагъаны, суратында болмаз.
- Суугъа – таянма, джаугъа – ийнанма.
- Къарнынг бла ёч алма.
- Элни кючю – эмеген.
- Къарт айтханны этмеген, къартаймаз.
- Джырчы джырчыгъа – къарнаш.
- Бек анасы джыламаз.
- Ач, тоймам, дейди, тойгъан, ач болмам, дейди.
Что стало с чатом?
Читают тему (гостей: 1)