- Бастасын ашагъан, хантусун да ичер.
- Таула не мийик болсала да, аууш табылыр.
- Тамбла алтындан бюгюн багъыр ашхы.
- Суу кетер, таш къалыр.
- Айырылмаз джууугъунга, унутмаз сёзню айтма.
- Адебни адебсизден юрен.
- Мени джылытмагъан кюн, меннге тиймесин!
- Бет бетге къараса, бет да джерге къарар.
- Термилгенинги табмазса, кюлгенинге тюберсе.
- Сибиртки да сыйлы болду, кюрек да кюнлю болду.
- Иги адамны бир сёзю эки болмаз.
- Экеулен сёлеше тура эселе, орталарына барыб кирме.
- Мал тутхан – май джалар.
- Айтханы чапыракъдан ётмеген.
- Хансыз джомакъ болмаз.
- Юй кюйдю да, кюйюз чыкъды, ортасындан тюйюш чыкъды.
- Тойгъа барсанг, тоюб бар, эски тонунгу къоюб бар.
- Ёгюзню мюйюзюнден тутадыла, адамны сёзюнден тутадыла.
- Мен да «сен», дейме, сен да «кесим», дейсе.
- Биреуге аманлыкъны тилеме да, кесинге ашхылыкъны тиле.
- Тулпарлыкъ, билекден тюл – джюрекден.
- Адеб базарда сатылмаз.
- Сангырау къулакъ эл бузар.
- Этек чакъмакълары баш джаргъан, сёлешген сёзлери таш джаргъан.
- Экиндини кеч къылсанг, чабыб джетер ашхам.
- Бал ашаргъа сюе эсенг, чибин ургъаннга тёз.
- Къуру гыбыт бек дыгъырдар.
- Сабийликде юретмесенг, уллу болса – тюзелмез.
- Садакъачыны джаны – къапчыгъында.
- Асхат ашлыкъ сата, юйдегиси ачдан къата.
- Махтаннган къыз, тойда джукълар.
- Душманны тышы – акъ, ичи – къара.
- Тилде сюек болмаса да, сюек сындырыр.
- Чабакъгъа акъыл, табагъа тюшсе келеди.
- Нарт сёз – тилни бети.
- Ашарыкъда сайлагъаннга – чий гырджын.
- Чоюнну башы ачыкъ болса, итге уят керекди.
- Къар – келтирди, суу – элтди.
- Рысхысына кёре, джаш ёсер, къышлыгъына кёре, мал ёсер.
- Джерни букъусу кёкге къонмаз.
- Тамырсыз терекге таянма – джыгъылырса.
- Кёз – сюйген джерде, къол – ауругъан джерде.
- Къулакъдан эсе, кёзге ышан.
- Джогъун бар этген, барын бал этген.
- Къарын къуру болса, джюрек уру болур.
- Ауузу аманнга «иги», деме.
- Алим болгъандан эсе, адам болгъан къыйынды.
- Байлыкъ болгъан джерде, тынчлыкъ джокъду.
- Адамны сабийин сюйген джюреги, бычакъча, джитиди.
- Билим насыб берир, билим джолну керир.
[ Закрыто ] О фамилиях (родах) ..
Читают тему (гостей: 1)