- Хансыз джомакъ болмаз.
- Джумушакъ терекни къурт ашар.
- Ариу сёз аурууунгу алыр.
- Сёлеш деб шай берген, тохта деб, сом берген.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Босагъагъа джууукъ орун болса, ашыгъыб тёрге озма.
- Келгинчи, къонакъ уялыр, келгенден сора, къонакъбай уялыр.
- Ханы къызы буюгъа-буюгъа киштик болду.
- Итли къонакъ джарашмаз.
- Тойгъандан сора, ашны сёкме.
- Биреуню къыйынлыгъы бла кесинге джол ишлеме.
- Тас болгъан бычакъны сабы – алтын.
- Ашхы болсанг, атынг чыгъар, аман болсанг, джанынг чыгъар.
- Ишлемеген – тишлемез.
- Биреуге аманлыкъ этиб, кесинге игилик табмазса.
- Акъыллы айтыр эди, акъылсыз къоймайды.
- Чомартны къолун джокълукъ байлар.
- Сескекли кесин билдирир.
- Ёмюрлюк шохлукъну джел элтмез.
- Кимни – тили, тиши онглу, кимни – къолу, иши онглу.
- Эл элде бирер малынг болгъандан эсе, бирер тенгинг болсун.
- Атлыны кёрсе, джаяуну буту талыр.
- Аллахдан тилесенг, кёб тиле.
- Тилсиз миллет джокъ болур.
- Адам къаллай бир ишленмесе, аллай бир кесин уллу кёреди.
- Ашатыргъа иш – ашхы, ишлетирге аш – ашхы.
- Садакъачыны джаны – къапчыгъында.
- Асхат ашлыкъ сата, юйдегиси ачдан къата.
- Тёзгеннге, джабылгъан эшик ачылыр.
- Кёбден умут этиб, аздан къуру къалма.
- Кесинге джетмегенни, кёб сёлешме.
- Айырылмаз джууугъунга, унутмаз сёзню айтма.
- Чабакъ башындан чирийди.
- Билмейме деген – бир сёз
- Ариуну – ауруу кёб.
- Аман къатын алгъан, арыр, иги къатын алгъан джарыр.
- Байма, деб да, къууанма, джарлыма, деб да, джылама.
- Кёбню кёрген – кёб билир.
- Болджал ишни бёрю ашар.
- Уллу айтханны этмеген – уллаймаз.
- Ойнай-ойнай кёз чыгъар.
- Намыс болмагъан джерде, насыб болмаз.
- Къызын тута билмеген, тул этер, джашын тута билмеген, къул этер.
- Ачыкъ джюрекге джол – ачыкъ.
- Кёбге таш атма.
- Чакъырылмагъан джерге барма, чакъырылгъан джерден къалма.
- Джюрекге ариу – кёзге да ариу.
- Эринчекге кюн узун.
- Бетинги сатма, малынгы сат.
- Ат да турмайды бир териде.
[ Закрыто ] Слово.... А вы знаетет его значение?
Читают тему (гостей: 1)