- Эрни эр этерик да, къара джер этерик да, тиширыуду.
- Игини сыйлагъан адетди.
- Окъ къызбайны джокълайды.
- Адеб этмеген, адеб кёрмез.
- Кёб джат да, бек чаб.
- Ариу сёз – джаннга азыкъ, аман сёз – башха къазыкъ.
- Джырчы ёлсе, джыры къалыр.
- Иги бла джюрюсенг, джетерсе муратынга, аман бла джюрюсенг, къалырса уятха.
- Кечеси – аяз, кюню – къыш, джарлы къаргъагъа бир аш тюш!
- Халкъны джырын джырласанг, халкъ санга эжиу этер.
- Ишни аллы бла къууанма да, арты бла къууан.
- Душманны тышы – акъ, ичи – къара.
- Къарт болгъан джерде, берекет болур, сабий болгъан джерде, оюн болур.
- Акъдан къара болмаз.
- Ач уят къоймаз.
- Къартны сыйын кёрмеген, къартлыгъында сыйлы болмаз.
- Тенгинг джокъ эсе – изле, бар эсе – сакъла!
- Къонакъ кёб келюучю юйню, къазаны отдан тюшмез.
- Ашда уялгъан – мухар, ишде уялгъан – хомух.
- Дженгил джетерикме деб, узун джолну къоюб, къысхасын барма.
- Бети къызарыучу адамны, джюреги харам болмаз.
- Сакъламагъан затынга джолукъсанг, не бек къууанаса, не бек ачыйса.
- Ойнай-ойнай кёз чыгъар.
- Сютню башын джалагъан къутулур, тюбюн ичген тутулур.
- Баланы адам этген анады.
- Къыз чыгъаргъан – къызыл къымжа.
- Аджашханны ызындагъы кёреди, джангылгъанны джанындагъы биледи.
- Этек чакъмакълары баш джаргъан, сёлешген сёзлери таш джаргъан.
- «Ёгюз, джаргъа джууукъ барма, меннге джюк боллукъса», - дегенди эшек.
- Элни кючю – эмеген.
- Эм уллу байлыкъ – джан саулукъ.
- Тойгъа алгъа да барма, тойда артха да къалма.
- Биреуге кёлтюрген таягъынг, кесинги башынга урур.
- Билген билмегенни юретген адетди.
- Чомарт къонакъ юй иесин сыйлар.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Келинин тута билмеген, къул этер, къызын тута билмеген, тул этер.
- Адеб джокъда, намыс джокъ.
- Акъыл неден да кючлюдю.
- Чабакъ башындан чирийди.
- Чабакъгъа акъыл, табагъа тюшсе келеди.
- Ётюрюк хапар аякъ тюбю бла джюрюйдю.
- Хар сёзню орну барды.
- Башы джабылгъан челекге, кир тюшмез.
- Ауузу аманнга «иги», деме.
- Тёрде – темир таякълы, къаяда – чыпчыкъ аякълы.
- Хантына кёре тузу, юйюне кёре къызы.
- Тура эдим джата, къайдан чыкъды хата?
- Къуру гыбыт бек дыгъырдар.
- Намыс сатылыб алынмайды.
[ Закрыто ] Нас стало больше!)))
Читают тему (гостей: 1)