- Хата – гитчеден.
- Телиге от эт десенг, юйюнге от салыр.
- Хоншуну тауугъу къаз кёрюнюр, келини къыз кёрюнюр.
- Биреуге аманлыкъны тилеме да, кесинге ашхылыкъны тиле.
- Эрине къаргъыш этген къатын, эрнин къабар.
- Кечеси – аяз, кюню – къыш, джарлы къаргъагъа бир аш тюш!
- Джогъун бар этген, барын бал этген.
- Элде адам къалмаса, ит тахтагъа минер.
- Баланы адам этген анады.
- Бети бедерден, намыс сакълама.
- Башынга джетмегенни сорма.
- Олтуруб кёрюнмей эди да, ёрге туруб кёрюне эди.
- Акъыллы эркиши атын махтар, акъылсыз эркиши къатынын махтар.
- Къыйынлы джети элни къайгъысын этер.
- Уясында не кёрсе, учханында аны этер.
- Баш болса, бёрк табылыр.
- Къуллукъчума, деб махтанма, къуллукъ – хаух джамчыды!
- Байма, деб да, къууанма, джарлыма, деб да, джылама.
- Атлыны кёрсе, джаяуну буту талыр.
- Эртде тургъан бла эртде юйленнген сокъуранмаз.
- Орундукъ тюбюнде атылсам да, орта джиликме, де да айлан.
- Ашлыкъ – бюртюкден, джюн – тюкден.
- Тёрени джагъы джокъ.
- Байлыкъ болгъан джерде, тынчлыкъ джокъду.
- Къошда джокъгъа – юлюш джокъ.
- Къыйынлы джети элге оноу этер.
- Джауумдан сора, кюн кюйдюрюр, ётюрюкден сора, айыб кюйдюрюр.
- Таукел къуру къалмаз.
- Уллу къашыкъ эрин джыртар.
- Хазыр ашха – терен къашыкъ.
- Къанны къан бла джуума, аманны аман бла къуума.
- Тил джюрекге джол ишлейди.
- Джаш къарыу бла кючлю, къарт акъыл бла кючлю.
- Мал ёлсе, сюек къалыр, адам ёлсе, иши къалыр.
- Билгенни къолу къарны джандырыр.
- Адамны аты башхача, акъылы да башхады.
- Эллинг бла джау болсанг да, юйюнг бла джау болма.
- Ата – билек, ана – джюрек!
- Бек анасы джыламаз.
- Атынг аманнга чыкъгъандан эсе, джанынг тамагъынгдан чыкъсын.
- Адамны артындан къара сабан сюрме.
- Билим ат болуб да чабар, къуш болуб да учар.
- Бастасын ашагъан, хантусун да ичер.
- Рысхы джалгъанды: келген да этер, кетген да этер.
- Тойчу джашха къарама, къойчу джашха къара.
- Кёзюнде тереги болгъан, чёбю болгъаннга кюле эди.
- Билмезни кёзю кёрмез, этмезни къулагъы эшитмез.
- Эртде тургъан джылкъычыны эркек аты тай табар.
- Билими азны – ауузунда кирит.
- Чомарт къонакъ юй иесин сыйлар.
[ Закрыто ] С днём рождения, Эльбрусоид!
Читают тему (гостей: 1)