- Малны кют, джерни тюрт.
- Тиширыусуз юй – отсуз от джагъа.
- Ана – юйню кюн джарыгъы.
- Аджалсыз ёлюм болмаз.
- Чоюнну башы ачыкъ болса, итге уят керекди.
- Тёзгеннге, джабылгъан эшик ачылыр.
- Баргъанынга кёре болур келгенинг.
- Кийимни бир кюнню аясанг, минг кюннге джарар.
- Бозаны арты дауур болур.
- Ачлыкъ отха секиртир.
- Ач, тоймам, дейди, тойгъан, ач болмам, дейди.
- Джырчы джырчыгъа – къарнаш.
- Ауузу аманнга «иги», деме.
- Ишленмеген джаш – джюгенсиз ат, ишленмеген къыз – тузсуз хант.
- Юйюнгден чыкъдынг – кюнюнгден чыкъдынг.
- Къуру гыбыт бек дыгъырдар.
- Кёл – къызбай, къол – батыр.
- Уясында не кёрсе, учханында аны этер.
- Къарнынг ауруса, ауузунгу тый
- Ашда – бёрю, ишде – ёлю.
- Адам сёзге тынгыла, акъыл сёзню ангыла.
- Рысхы – сют юсюнде кёмюк кибикди.
- Намысы болмагъанны, сыйы болмаз.
- Къарнынг къанлынга кийирир.
- Джюрек кёзден алгъа кёрюр.
- Тенгни тенглиги джашай барсанг билинир.
- Этни да ашады, бетни да ашады.
- Чомартны къолу берекет.
- Къобан да къуру да къобханлай турмайды, адам да къуру да патчахлай турмайды.
- Сакъалы текени да бар, мыйыгъы киштикни да бар.
- Ётюрюкчюню шагъаты – къатында.
- Эшекге миннген – биринчи айыб, андан джыгъылгъан – экинчи айыб.
- Ашхы – джыяр, аман – джояр.
- Башсыз урчукъ тюзюне айланмаз.
- Юйлю уругъа ит чабмаз.
- Аллахдан тилесенг, кёб тиле.
- Джахил болса анасы, не билликди баласы?
- Атлыны кёрсе, джаяуну буту талыр.
- Кёлю джокъну – джолу джокъ.
- Ариу – кёзге, акъыл – джюрекге.
- Оюмсуз атлагъан, аджалсыз ёлюр.
- Къонакъ болсанг, ийнакъ бол.
- Элде адам къалмаса, ит тахтагъа минер.
- Ётюрюк хапар аякъ тюбю бла джюрюйдю.
- Чакъырылмагъан къонакъ тёрге атламаз.
- Кюлме джашха – келир башха.
- Тамырсыз терекге таянма – джыгъылырса.
- Къайгъыны сюйген, къайгъы табар.
- Джырчы ёлсе, джыры къалыр.
- Бозанг болмагъан джерге, къалагъынгы сукъма.
[ Закрыто ] Айшат))) С днем рождения))))
Читают тему (гостей: 1)