- Биреу къой излей, биреу той излей.
- Къанны къан бла джуума, аманны аман бла къуума.
- Аман къатын сабий табса, бий болур…
- Аманны эки битли тону болур, бирин сеннге кийдирир, бирин кеси киер.
- Тенги кёбню джау алмаз, акъылы кёбню дау алмаз.
- Кёл ашады да, кеси ашады.
- Эринчекге кюн узун.
- Сёз къанатсыз учар.
- Атадан ёксюз – бир ёксюз, анадан ёксюз – эки ёксюз.
- Къарны аманнга къазан такъдырма, къолу аманнга от джакъдырма.
- Аман адам элни бир-бирине джау этер.
- Эркишини аманы тиширыуну джылатыр.
- Сёз сёзню айтдырыр.
- Биреуню тёрюнден, кесинги эшик артынг игиди.
- Билим ат болуб да чабар, къуш болуб да учар.
- Тынгылагъан тынгы бузар.
- Тау башында, тау болмаз, джангыз терек, бау болмаз.
- Кёл – къызбай, къол – батыр.
- Аз сёлеш, кёб ишле.
- Намыс болмагъан джерде, насыб болмаз.
- Джарлыны эшигин махтагъан джабар.
- Экеулен сёлеше тура эселе, орталарына барыб кирме.
- Келлик заман – къартлыкъ келтирир, кетген заман – джашлыкъ ёлтюрюр.
- Адамны артындан къара сабан сюрме.
- Къая джолда джортма, ачыкъ сёзден къоркъма.
- Айранны сюйген, ийнек тутар.
- Рысхы – насыбха къор.
- Чомартны къолун джокълукъ байлар.
- Адеб базарда сатылмаз.
- Къыйынлы джети элге оноу этер.
- Окъугъанны бети джарыкъ.
- Билмезни кёзю кёрмез, этмезни къулагъы эшитмез.
- Нёгерсизни джолу узун.
- Уллу сёзде уят джокъ.
- Джюрекге ариу – кёзге да ариу.
- Соргъан айыб тюлдю, билмеген айыбды.
- Джерни букъусу кёкге къонмаз.
- Джаралыны джастыгъында сау ёлюр.
- Окъуу – билимни ачхычы, окъуу – дунияны бачхычы.
- Тамбла алтындан бюгюн багъыр ашхы.
- Эл ауузу – элия.
- Таугъа чыгъаллыкъ эсенг, тюзде къалма.
- Эркишиге тары кебек танг кёрюнюр.
- Къан бла кирген, джан бла чыгъар.
- Джумушакъ сёз къаты таякъны сындырыр.
- Ёлген ийнек сютлю болур.
- Бастасын ашагъан, хантусун да ичер.
- Сёз – кюмюш, джыр – алтын.
- Билим насыб берир, билим джолну керир.
- Махтаннган къыз, тойда джукълар.
[ Закрыто ] Айшат))) С днем рождения))))
Читают тему (гостей: 1)