- Тойгъан антын унутур.
- Билмейме деген – бир сёз
- Къарнынг къанлынга кийирир.
- Биреуню тёрюнден, кесинги эшик артынг игиди.
- Биреу къой излей, биреу той излей.
- Джетген къыз джерли эшекни танымаз.
- Тенгинг джокъ эсе – изле, бар эсе – сакъла!
- Къызны минг тилер, бир алыр.
- Айран ичген – къутулду, джугъусун джалагъан – тутулду.
- Этни бети бла шорпасы.
- Ана къолу ачытмаз.
- Чёбню кёлтюрсенг, тюбюнден сёз чыгъар.
- Шайтан алдады, тюзлюк къаргъады.
- Экиндини кеч къылсанг, чабыб джетер ашхам.
- Тюкюрюк баш джармаз, налат кёз чыгъармаз!
- Таула не мийик болсала да, аууш табылыр.
- Адам къыйынлыгъын кёлтюрюр, зауукълугъун кёлтюрмез.
- Къозулугъунда тоймагъан, къойлугъунда тоймаз.
- Огъурлуну сёзю – суу, огъурсузну сёзю – уу.
- Окъумагъан сокъурду, сокъур ташха абыныр!
- Билими азны – ауузунда кирит.
- Аман къатын алгъан, арыр, иги къатын алгъан джарыр.
- Ашатыргъа иш – ашхы, ишлетирге аш – ашхы.
- Эркиши – от, тиширыу – суу.
- Эски джаугъа ышанма.
- Магъанасыз сёз – тауушсуз сыбызгъы.
- Акъыл аздырмаз, билим тоздурмаз.
- Гырджын – тепсини тамадасы.
- Джангыз терек къынгыр ёсер.
- Ана къойну – балагъа джандет.
- Къралынгы – душмандан, башынгы от бла суудан сакъла.
- Чакъырылмагъан къонакъ тёрге атламаз.
- Юйлю уругъа ит чабмаз.
- Акъыл неден да кючлюдю.
- Ичимден чыкъды хата, къайры барайым сата?
- Нёгер болсанг, тенг бол, тенг болмасанг, кенг бол.
- Харам къарнашдан, халал тенг ашхы.
- Къонагъынгы артмагъын алма да, алгъышын ал.
- Тойгъандан сора, ашны сёкме.
- Эллинг бла джау болсанг да, юйюнг бла джау болма.
- Къолу уллу – асыу, аягъы уллу – джарсыу.
- Хар зат кесини орнуна иги.
- Ётюрюкден тюбю джокъ, кёлтюрюрге джиби джокъ.
- Джогъун бар этген, барын бал этген.
- Нарт сёз – тилни бети.
- Азыгъы аз, алгъа къабар, аты аман, алгъа чабар.
- Иги бла джюрюсенг, джетерсе муратынга, аман бла джюрюсенг, къалырса уятха.
- Хоншуну тауугъу къаз кёрюнюр, келини къыз кёрюнюр.
- Иги сеники эсе да, сюйген кесимикин этеме.
- Джеринден айырылгъан – джети джылар, джуртундан айырылгъан – ёлгюнчю джылар.
[ Закрыто ] ПТЮЧ, с Днем Рождения!)
Читают тему (гостей: 1)