- Ётюрюкню къуйругъу – бир тутум.
- Эрни эр этерик да, къара джер этерик да, тиширыуду.
- Битмегеннге сакъал – танг.
- Аман эсирсе, юйюн ояр.
- Атадан ёксюз – бир ёксюз, анадан ёксюз – эки ёксюз.
- Малны кют, джерни тюрт.
- Эски джаугъа ышанма.
- Адамны адамлыгъы къыйынлыкъда айгъакъланады.
- Окъугъан – асыу, окъумагъан – джарсыу.
- Эр сокъур болсун, къатын тилсиз болсун.
- Тамбла алтындан бюгюн багъыр ашхы.
- Ачлыкъда тары гырджын халыуадан татлы.
- Суугъа – таянма, джаугъа – ийнанма.
- Билим – акъылны чырагъы.
- Этни бети бла шорпасы.
- Байны къызы баймакъ болса да, юйде къалмаз!
- Миллетни бойну – базыкъ, аны бла кюрешген – джазыкъ.
- Танг атмайма десе да, кюн къоярыкъ тюйюлдю.
- Халкъгъа джарагъан, джарлы къалмаз.
- Адамны бетине къарама, адетине къара.
- Мухарны эси – ашарыкъда.
- Ариу джол аджал келтирмез.
- Тин – байлыгъынг, терен саулугъунг.
- Тынгылагъан тынгы бузар.
- Минг тенг да азды, бир джау да кёбдю.
- Биреу ашаб къутулур, биреу джалаб тутулур.
- Эки ойлашыб, бир сёлешген.
- Тили узунну, намысы – къысха.
- Ёзденликни джайгъан – джокълукъ.
- Билими азны – ауузунда кирит.
- Шайтан алдады, тюзлюк къаргъады.
- Бир абыннган – минг сюрюнюр.
- Ариу сёз джыланны орнундан чыгъарыр.
- Ётюрюк хапар аякъ тюбю бла джюрюйдю.
- Эртде тургъан джылкъычыны эркек аты тай табар.
- Къар – келтирди, суу – элтди.
- Чомарт къолда мал къалмаз.
- Тенгинг джокъ эсе – изле, бар эсе – сакъла!
- Къобан да къуру да къобханлай турмайды, адам да къуру да патчахлай турмайды.
- Азыкъ аз болса, эртде орун сал.
- Ашлыкъ – бюртюкден, джюн – тюкден.
- Аджаллыгъа окъсуз шкок атылыр.
- Ёлмесенг да, къарт дамы болмазса?
- Эл бла кёргенинг эрелей.
- Биреуге аманлыкъны тилеме да, кесинге ашхылыкъны тиле.
- Кёз – сюйген джерде, къол – ауругъан джерде.
- Ауузу бла къуш тута айланады.
- Хар зат кесини орнуна иги.
- Мураты болгъанны джюрек тебюую башхады.
- Ёмюрлюк шохлукъну джел элтмез.
[ Закрыто ] ПТЮЧ, с Днем Рождения!)
Читают тему (гостей: 1)