- Джылкъыдан – ат чыгъар, тукъумдан – джаш чыгъар.
- Баргъанынга кёре болур келгенинг.
- Кюн кёрмеген, кюн кёрсе, кюндюз чыракъ джандырыр.
- Ашлыкъ – бюртюкден, джюн – тюкден.
- Чакъырылмагъан къонакъ тёрге атламаз.
- Телиге акъыл салгъандан эсе, ёлгеннге джан салырса.
- Ишни ахырын ойламай, аллын башлама.
- Кеси юйюмде мен да ханма.
- Ёгюзню мюйюзлери ауурлукъ этмейдиле.
- Ат да турмайды бир териде.
- Бозанг болмагъан джерге, къалагъынгы сукъма.
- Ёлген эшек бёрюден къоркъмайды.
- Байлыкъ келсе, акъыл кетер.
- Билмезни кёзю кёрмез, этмезни къулагъы эшитмез.
- Джарлы джети элни сёзюн этер.
- Халкъны юйю – туугъан джери.
- Игиге айтсанг – билир, аманнга айтсанг – кюлюр.
- Кёб джашагъан – кёб билир.
- Къонакъ кёб келюучю юйню, къазаны отдан тюшмез.
- Ашхы болсанг, атынг чыгъар, аман болсанг, джанынг чыгъар.
- Бюгюн дуния кибик, тамбла ахыратды.
- Сууда джау джокъ, кёб сёзде магъана джокъ.
- Азыгъы аз, алгъа къабар, аты аман, алгъа чабар.
- Соргъан айыб тюлдю, билмеген айыбды.
- Тели турса – той бузар.
- Адам сёзге тынгыла, акъыл сёзню ангыла.
- Мухардан ач ычхынмаз.
- Тилчи бир сагъатха айлыкъ хата этер.
- Артына баргъанны, къатына барма.
- Эл ауузу – элек, анга ийнаннган – халек.
- Аман адам этегингден тутса, кес да къач.
- Къан бла кирген, джан бла чыгъар.
- Рысхы джалгъанды: келген да этер, кетген да этер.
- Ётюрюкден тюбю джокъ, кёлтюрюрге джиби джокъ.
- Джырчы ёлсе, джыры къалыр.
- Хоншуну тауугъу къаз кёрюнюр, келини къыз кёрюнюр.
- Ишленмеген джаш – джюгенсиз ат, ишленмеген къыз – тузсуз хант.
- Тойгъан антын унутур.
- Чыкълы кюнде чыкъмагъан, чыкъса къуру кирмеген.
- Ачылгъан эт джабылыр, кёрген кёз унутмаз.
- Иши джокъну, сыйы джокъ.
- Арбаз къынгырды да, ийнек сауалмайма.
- Таш бла ургъанны, аш бла ур.
- Окъуусуз билим – джокъ, билимсиз кюнюнг – джокъ.
- Кёлю джокъну – джолу джокъ.
- Тёзгеннге, джабылгъан эшик ачылыр.
- Къонагъынгы артмагъын алма да, алгъышын ал.
- Ётюрюкню къуйругъу – бир тутум.
- Акъыл аздырмаз, билим тоздурмаз.
- Айранны сюйген, ийнек тутар.
[ Закрыто ] Лучше поздно чем никогда! Мертвой Голове посвяшается:)
Читают тему (гостей: 1)