- Аманны къуугъан, аманлыкъ табар.
- Ашда – бёрю, ишде – ёлю.
- Аз сёлеш, кёб ишле.
- Татлы тилде – сёз ариу, чемер къолда – иш ариу.
- Къайтырыкъ эшигинги, къаты уруб чыкъма.
- Аллахха ийнаннган кишини, Аллах онгдурур ишин.
- Джылыгъа джылан илешир.
- Кеси юйюмде мен да ханма.
- Билгенни къолу къарны джандырыр.
- Ашын ашагъанынгы, башын да сыйла.
- Илму – джашауну джолу.
- Къарт бла баш аша, джаш бла аякъ аша.
- Нарт сёз къарт болмаз.
- Арбаз сайлама да, хоншу сайла.
- Ат да турмайды бир териде.
- Ичимден чыкъды хата, къайры барайым сата?
- Окъугъан – асыу, окъумагъан – джарсыу.
- Къарны аманнга къазан такъдырма, къолу аманнга от джакъдырма.
- Ойнаб айтсанг да, эслеб айт.
- Тойгъан джерге джети къайт.
- Джюз элде джюз ёгюзюм болгъандан эсе, джюз джууугъум болсун.
- Аманнга игилик этсенг, юйюнге сау бармазса.
- Сууда джау джокъ, кёб сёзде магъана джокъ.
- Бозанг болмагъан джерге, къалагъынгы сукъма.
- Окъуусуз билим – джокъ, билимсиз кюнюнг – джокъ.
- Ана кёлю – балада, бала кёлю – талада.
- Ариу сёз – джаннга азыкъ, аман сёз – башха къазыкъ.
- Шапа кёб болса, аш татымсыз болур.
- Ач уят къоймаз.
- Адеб джокъда, намыс джокъ.
- Билимден уллу байлыкъ джокъду.
- Тойгъанлыкъ къойгъа джарашады.
- Джарлы эскисин джамаса, къууаныр.
- «Ма», - дегенни билмесенг, «бер», - дегенни билмезсе.
- Борчунг бар эсе, хурджунунга ойлаб узал.
- Иги сёз – джаннга азыкъ, аман сёз башха – къазыкъ.
- Тынгылагъан тынгы бузар.
- Бёрю да ач къалмасын, эчки да ашалмасын.
- Арбаз къынгырды да, ийнек сауалмайма.
- Чомартха хар кюн да байрамды.
- Аманнга да, игиге да оноусуз къатышма.
- Ишни аллы бла къууанма да, арты бла къууан.
- Ётюрюкню башын керти кесер.
- Накъырданы арты керти болур.
- Таукел адам тау тешер.
- Ач бёрюге мекям джокъ.
- Акъыл аздырмаз, билим тоздурмаз.
- Уллу сёзде уят джокъ.
- Джашлыкъ этмеген, башлыкъ этмез.
- Арба аугъандан сора, джол кёргюзтюучю кёб болур.
[ Закрыто ] Лучше поздно чем никогда! Мертвой Голове посвяшается:)
Читают тему (гостей: 1)