- Аз айтсам, кёб ангылагъыз.
- Къазанчы аман болса, къазаны къайнамаз.
- Ханнга да келеди хариблик.
- Сыфатында болмагъаны, суратында болмаз.
- Джолунга кёре – джюрюшюнг, джагъанга кёре – юлюшюнг.
- Адамны сыфатына къарама, сёзюне къара.
- Экеу тутушса, биреу джыгъылыр.
- Тыш элде солтан болгъандан эсе, кесинги элде олтан болгъан игиди!
- Ариу джол аджал келтирмез.
- Ашатыргъа иш – ашхы, ишлетирге аш – ашхы.
- Ишленмеген джаш – джюгенсиз ат, ишленмеген къыз – тузсуз хант.
- Билимден уллу байлыкъ джокъду.
- Ауурну тюбю бла, дженгилни башы бла джюрюген.
- Босагъа таш юйге кирмей эди, тыбыр таш эшикге чыкъмай эди.
- От кюйдюрген, сау болса да, тот кюйдюрген, сау болмаз.
- Огъурлуну сёзю – суу, огъурсузну сёзю – уу.
- Мухар, кеси тойса да, кёзю тоймаз.
- Джарлы тюеге минсе да, ит къабар.
- Босагъагъа джууукъ орун болса, ашыгъыб тёрге озма.
- Чакъырылмагъан къонакъ къачан кетерин сормаз.
- Ушамагъан – джукъмаз.
- Адебсиз адам – джюгенсиз ат.
- Кийиминг бла танылма, адамлыкъ бла таныл.
- Чомартны къолу берекет.
- Билгенни къолу къарны джандырыр.
- Ётген ёмюр – акъгъан суу.
- Къонагъы джокъну – шоху джокъ.
- Тамбла алтындан бюгюн багъыр ашхы.
- Терек ауса, отунчу – кёб.
- Игини сыйлагъан адетди.
- Зар адам ашынгы ашар, кесинги сатар.
- Эки итни арасына сюек атма, эки адамны арасында сёз чыгъарма.
- Эринчекни эр алмаз, эр алса да, кёл салмаз, кёл салса да, кёб бармаз!
- Тёгюлген тюгел джыйылмайды.
- Нафысынгы айтханын этме, намысынгы айтханын эт.
- Тилчи тилден къаныкъмаз.
- Аллахдан тилесенг, кёб тиле.
- Таш бла ургъанны, аш бла ур.
- Къыйынлы джети элни къайгъысын этер.
- Баш – акъыл ючюн, акъылман – халкъ ючюн.
- Хансыз джомакъ болмаз.
- Ана кёлю – балада, бала кёлю – талада.
- Билим насыб берир, билим джолну керир.
- Ашлыкъ – бюртюкден, джюн – тюкден.
- Ашхы болсанг, атынг чыгъар, аман болсанг, джанынг чыгъар.
- Джырчы джырчыгъа – къарнаш.
- Телиге акъыл салгъандан эсе, ёлгеннге джан салырса.
- Джаш болсун, къыз болсун, акъылы, саны тюз болсун.
- Джуртун къоругъан озар.
- Джарлыны эшигин махтагъан джабар.
[ Закрыто ] АНКЕТА
Читают тему (гостей: 1)