- Аджашханны ызындагъы кёреди, джангылгъанны джанындагъы биледи.
- Бир абыннган – минг сюрюнюр.
- Чомарт къолда мал къалмаз.
- Аман къатын алгъан, арыр, иги къатын алгъан джарыр.
- Атлыны кёрсе, джаяуну буту талыр.
- Бети – къучакълар, джюреги – бычакълар.
- Аш кетер да бет къалыр.
- Тау башында, тау болмаз, джангыз терек, бау болмаз.
- Джыйырма къойну юч джыйырма эбзе кюте эди.
- Аман адамны тепсинге олтуртсанг, къызынгы тилер.
- Сабийни джумушха джибер да, ызындан бар.
- Тас болгъан бычакъны сабы – алтын.
- Сёлеш деб шай берген, тохта деб, сом берген.
- Эл тойса, тоймагъан, эл къойса, къоймагъан.
- Биреуге аманлыкъны тилеме да, кесинге ашхылыкъны тиле.
- Ана кёлю – балада, бала кёлю – талада.
- Чыкълы кюнде чыкъмагъан, чыкъса къуру кирмеген.
- Джыгъылгъанны сырты джерден тоймаз.
- Джыланны къуйругъундан басарынг келсе, аны башы болгъанын унутма.
- Кёзню ачылгъаны – иги, ауузну джабылгъаны – иги.
- Аууз сакълагъан – джан сакълар.
- Тюкюрюк баш джармаз, налат кёз чыгъармаз!
- Акъыллы айтыр эди, акъылсыз къоймайды.
- Кюн – узун, ёмюр – къысха.
- Сакъалы текени да бар, мыйыгъы киштикни да бар.
- Джумушакъ сёз къаты таякъны сындырыр.
- Бет бетге къараса, бет да джерге къарар.
- Къартны сыйын кёрмеген, къартлыгъында сыйлы болмаз.
- Сабыр джетер муратха, сабырсыз къалыр уятха.
- Тыш элде солтан болгъандан эсе, кесинги элде олтан болгъан игиди!
- Ашыкъгъан cуу, тенгизге джетмез.
- Сормай – алма, чакъырылмай – барма.
- Битмегеннге сакъал – танг.
- Эрни эр этерик да, къара джер этерик да, тиширыуду.
- Нёгер болсанг, тенг бол, тенг болмасанг, кенг бол.
- Уллу сёлешме да, уллу къаб.
- Хата – гитчеден.
- Рысхы джалгъанды: келген да этер, кетген да этер.
- Зар адамны насыбы болмаз.
- Джогъун бар этген, барын бал этген.
- Ушамагъан – джукъмаз.
- Телини эшигин, махтау джабар.
- Эки элинги тыйсанг, джети элде махталырса.
- Кёрмегеннге кебек – танг, битмегеннге сакъал – танг.
- Ашлыкъны арба юйге келтирир, чана базаргъа элтир.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Къанны къан бла джуума, аманны аман бла къуума.
- Айтхан – тынч, этген – къыйын.
- Хар адамгъа кеси миннген тау кибик.
- Джылар джаш, атасыны сакъалы бла ойнар.
Срочная помощь больному лейкозом
Читают тему (гостей: 1)