- Къыйынлы джети элни къайгъысын этер.
- Эли джокъну – кёлю джокъ.
- Тюкюрюк баш джармаз, налат кёз чыгъармаз!
- Тиширыусуз юй – отсуз от джагъа.
- Нафысынгы айтханын этме, намысынгы айтханын эт.
- Экеу тутушса, биреу джыгъылыр.
- Намысы джокъну – дуниясы джокъ.
- Ач, тоймам, дейди, тойгъан, ач болмам, дейди.
- Сабийни джумушха джибер да, ызындан бар.
- Байдан умут эте, джарлыдан ёгюз багъасы къорады.
- Къумурсхала джыйылсала, пилни да джыгъадыла.
- Тюзлюк шохлукъну бегитир.
- Чакъырылмагъан джерге барма, чакъырылгъан джерден къалма.
- Аман адам элни бир-бирине джау этер.
- Ёлюр джаннга, ёкюл джокъ.
- Джарашыу сюйген – джалынчакъ.
- Ауругъаннга – кийик саулукъ, джетген къызгъа – чилле джаулукъ.
- Башланнган иш битер, къымылдагъан тиш тюшер.
- Туз, гырджын аша, тюзлюк бла джаша.
- Джолда аягъынга сакъ бол, ушакъда тилинге сакъ бол.
- Келинин тута билмеген, къул этер, къызын тута билмеген, тул этер.
- Гыдай эчки суугъа къараб, мюйюзле кёрмесе, джашма алкъын, дегенди.
- Биреуге кёлтюрген таягъынг, кесинги башынга урур.
- Аманны тукъумуна къарама, игини тукъумун сорма.
- Айтханы чапыракъдан ётмеген.
- Ойнай билмеген, уруб къачар.
- Джукъу тёшек сайламайды.
- Элиб деген, элге болушур.
- Акъыл аздырмаз, билим тоздурмаз.
- Айтхан сёзюне табылгъан.
- Къалгъан ишге къар джауар.
- Акъыллы айтыр эди, акъылсыз къоймайды.
- Алма терегинден кери кетмез.
- От этилмеген джерден тютюн чыкъмайды.
- Иги бла джюрюсенг, джетерсе муратынга, аман бла джюрюсенг, къалырса уятха.
- Байлыкъ тауусулур, билим тауусулмаз.
- Адеб этмеген, адеб кёрмез.
- Ариу сёз джыланны орнундан чыгъарыр.
- Биреу ашаб къутулур, биреу джалаб тутулур.
- Айтылгъан буйрукъ, сёгюлмез
- Рысхы джалгъанды: келген да этер, кетген да этер.
- Ач да бол, токъ да бол – намысынга бек бол.
- Джарлы тюеге минсе да, ит къабар.
- Окъдан джара эртде-кеч болса да бителир, сёз джара, ёмюрге къалыр.
- Джюз элде джюз ёгюзюм болгъандан эсе, джюз джууугъум болсун.
- Къонакъ аман болса, къонакъбай джунчур
- Керек ташны ауурлугъу джокъ.
- Борчунг бар эсе, хурджунунга ойлаб узал.
- Эки къатын алгъанны къулагъы тынгнгаймаз.
- Айранны сюйген, ийнек тутар.
Энциклопедия ответов на доводы приверженцев суфизма
Читают тему (гостей: 1)