- Бир абыннган – минг сюрюнюр.
- Адамны адамлыгъы къыйынлыкъда айгъакъланады.
- Огъурлуну сёзю – суу, огъурсузну сёзю – уу.
- Ач да бол, токъ да бол – намысынга бек бол.
- Бозанг болмагъан джерге, къалагъынгы сукъма.
- Эл ауузу – элек, анга ийнаннган – халек.
- Атынг аманнга чыкъгъандан эсе, джанынг тамагъынгдан чыкъсын.
- Ётюрюкден тюбю джокъ, кёлтюрюрге джиби джокъ.
- Суу ичген шауданынга тюкюрме.
- Адам сёзге тынгыла, акъыл сёзню ангыла.
- Хар зат кесини орнуна иги.
- Ач – эснер, ат – кишнер.
- Босагъагъа джууукъ орун болса, ашыгъыб тёрге озма.
- Кёлсюзден сёзсюз тууар.
- Бойнуму джети джерден кессенг да, мен ол ишни этеллик тюлме.
- Бети къызарыучу адамны, джюреги харам болмаз.
- Байлыкъ болгъан джерде, тынчлыкъ джокъду.
- Айныгъанлы алты кюн, тогъайгъанлы тогъуз кюн.
- Байдан умут эте, джарлыдан ёгюз багъасы къорады.
- Тау башында, тау болмаз, джангыз терек, бау болмаз.
- Джарашыу сюйген – джалынчакъ.
- Сёз – кюмюш, джыр – алтын.
- Тилсиз миллет джокъ болур.
- Тюзню ётмеги тюзде къалса да, тас болмаз.
- Баш болса, бёрк табылыр.
- Ишин билген, аны сыйын чыгъарады.
- Агъач халкъгъа алтынды, иссиликге салкъынды.
- Адамны сыфатына къарама, сёзюне къара.
- Орундукъ тюбюнде атылсам да, орта джиликме, де да айлан.
- Чомартха хар кюн да байрамды.
- Кимни – тили, тиши онглу, кимни – къолу, иши онглу.
- Мухар, кеси тойса да, кёзю тоймаз.
- Тиширыусуз юй – отсуз от джагъа.
- Мен да «сен», дейме, сен да «кесим», дейсе.
- Тил джюрекге джол ишлейди.
- Сакъалы текени да бар, мыйыгъы киштикни да бар.
- Аллахха ийнаннган кишини, Аллах онгдурур ишин.
- Джарлыны эшигин махтагъан джабар.
- Окъумагъан сокъурду, сокъур ташха абыныр!
- Аманны къуугъан, аманлыкъ табар.
- Аман хансны – урлугъу кёб.
- Билмейме деген – бир сёз
- Халкъны джырын джырласанг, халкъ санга эжиу этер.
- Ётюрюкню башын керти кесер.
- Кёб къычыргъандан – къоркъма, тынч олтургъандан – къоркъ.
- Ашхы атаны – джашы ашхы, ашхы ананы – къызы ашхы.
- Биреуню тёрюнден, кесинги эшик артынг игиди.
- Ауурну тюбю бла, дженгилни башы бла джюрюген.
- Билимсиз иш бармаз.
- Экеулен сёлеше тура эселе, орталарына барыб кирме.
