- Билген билмегенни юретген адетди.
- Джюрекге ариу – кёзге да ариу.
- Эл ауузу – элек, анга ийнаннган – халек.
- Тил бла келеди джыр да.
- Болджал ишни бёрю ашар.
- Окъугъанны бети джарыкъ.
- Насыб бютеу халкъны юлюшюдю.
- Шайтан алдады, тюзлюк къаргъады.
- Атадан ёксюз – бир ёксюз, анадан ёксюз – эки ёксюз.
- Хата – гитчеден.
- Керти сёзге тёре джокъ.
- Ишин билген, аны сыйын чыгъарады.
- Юй кюйдю да, кюйюз чыкъды, ортасындан тюйюш чыкъды.
- Уллу атлама – абынырса, уллу къабма – къарылырса.
- Тели турса – той бузар.
- Акъыллы эркиши атын махтар, акъылсыз эркиши къатынын махтар.
- Ач келгенни – тойдур, кеч келгенни – къондур.
- Тенги кёбню джау алмаз, акъылы кёбню дау алмаз.
- Ёлмесенг да, къарт дамы болмазса?
- Тёрдеги кюлсе, эшикдеги ышарыр.
- Тешик этген тынчды, аны джамагъан къыйынды.
- Чомарт бергенин айтмаз.
- Тойгъа барсанг, тоюб бар, эски тонунгу къоюб бар.
- Акъыл къартда, джашда тюйюлдю – башдады.
- Соргъан айыб тюлдю, билмеген айыбды.
- Онгсузну – джакъла, тенгликни – сакъла.
- Алтыннга тот къонмаз.
- Джумушакъ сёз къаты таякъны сындырыр.
- Тура эдим джата, къайдан чыкъды хата?
- Кийиминг бла танылма, адамлыкъ бла таныл.
- Къая джолда джортма, ачыкъ сёзден къоркъма.
- Кёб джат да, бек чаб.
- Кёбге таш атма.
- Баланы адам этген анады.
- Айтхан – тынч, этген – къыйын.
- Сангырау къулакъ эл бузар.
- Аш хазыр болса, иш харам болур.
- Гитче джилтин уллу элни джандырыр.
- Джеринден айырылгъан – джети джылар, джуртундан айырылгъан – ёлгюнчю джылар.
- Джолунга кёре – джюрюшюнг, джагъанга кёре – юлюшюнг.
- Рысхы – насыбха къор.
- Халкъны джырын джырласанг, халкъ санга эжиу этер.
- Эрни эр этерик да, къара джер этерик да, тиширыуду.
- Таула не мийик болсала да, аууш табылыр.
- Чомартны къолун джокълукъ байлар.
- Эшекге миннген – биринчи айыб, андан джыгъылгъан – экинчи айыб.
- Ач бёрюге мекям джокъ.
- Джашда акъыл джокъ, къартда къарыу джокъ.
- Бир абыннган – минг сюрюнюр.
- Ойнай-ойнай кёз чыгъар.
