- Суу да къайтады чыкъгъан джерине.
- Эл бла кёргенинг эрелей.
- Сабийликде юретмесенг, уллу болса – тюзелмез.
- Рысхы джалгъанды: келген да этер, кетген да этер.
- Сёз къанатсыз учар.
- Тилчи бир сагъатха айлыкъ хата этер.
- Байлыкъ адамны сокъур этер.
- Адамны адамлыгъы къыйынлыкъда айгъакъланады.
- Алтыда кюлмеген, алтмышда кюлмез.
- Дженгил джетерикме деб, узун джолну къоюб, къысхасын барма.
- Чомартха Тейри да борчлуду.
- Сангырау къулакъ эл бузар.
- Игилик игилик бла сингдирилиучю затды.
- Джарлы эскисин джамаса, къууаныр.
- Нёгер болсанг, тенг бол, тенг болмасанг, кенг бол.
- Аууздан келген, къолдан келсе, ким да патчах болур эди.
- Кечеси – аяз, кюню – къыш, джарлы къаргъагъа бир аш тюш!
- Сёз сёзню айтдырыр.
- Ичимден чыкъды хата, къайры барайым сата?
- Телиге акъыл салгъандан эсе, ёлгеннге джан салырса.
- Кёл ашады да, кеси ашады.
- Ишлемеген – тишлемез.
- Ач къалгъандан, кеч къалгъан къолай.
- Ишни ахырын ойламай, аллын башлама.
- Аман адам этегингден тутса, кес да къач.
- Бал чибинни ургъаны – ачы, балы – татлы.
- Туз, гырджын аша, тюзлюк бла джаша.
- Ач отунчуну ачыуу – бурнунда.
- Сабийни джумушха джибер да, ызындан бар.
- Мал тутхан – май джалар.
- Адеб базарда сатылмаз.
- Башда акъыл болмаса, эки аякъгъа кюч джетер.
- Къонакъ хазыр болгъанлыкъгъа, къонакъбай хазыр тюлдю.
- Тёзген – тёш ашар!
- Биреуню эскиси биреуге джангы болмайды.
- Азыгъы аз, алгъа къабар, аты аман, алгъа чабар.
- Кийиминг бла танылма, адамлыкъ бла таныл.
- Ариу сёзде ауруу джокъ.
- Башланнган иш битер, къымылдагъан тиш тюшер.
- Билим – акъылны чырагъы.
- Къартха ушагъан джаш – акъыллы, джашха ушагъан къарт – тели.
- Баш болса, бёрк табылыр.
- Нёгерсизни джолу узун.
- Хансыз джомакъ болмаз.
- Арбаз сайлама да, хоншу сайла.
- Адамны бетине къарама, адетине къара.
- Тюзлюк шохлукъну бегитир.
- Асхат ашлыкъ сата, юйдегиси ачдан къата.
- Джиби бир къат джетмей эди да, эки къат тарта эди.
- Этни бети бла шорпасы.
