- Акъыллы башны – тили къысха.
- Джигер – джаннга къыйынлыкъ.
- Джаханимни кёрмей, джандетге кёл салмазса.
- Ауузу бла къуш тута айланады.
- Бир онгсуз адам адет чыгъарды, деб эштирик тюлсе.
- Туз, гырджын аша, тюзлюк бла джаша.
- Терслик кетер, тюзлюк джетер.
- Татлы сёз – балдан татлы.
- Бёрю да ач къалмасын, эчки да ашалмасын.
- Аманны эки битли тону болур, бирин сеннге кийдирир, бирин кеси киер.
- Тешигини къатында, чычхан да батыр болур.
- Къатын къылыкъсыз, эр тынчлыкъсыз.
- Чакъырылгъанны аты, чакъырылмагъанны багъасы болур.
- Чабакъ башындан чирийди.
- Сёлеш деб шай берген, тохта деб, сом берген.
- Онгсузну – джакъла, тенгликни – сакъла.
- Телиге от эт десенг, юйюнге от салыр.
- Ётюрюкчюню шагъаты – къатында.
- Ачылгъан эт джабылыр, кёрген кёз унутмаз.
- Намыс болмагъан джерде, насыб болмаз.
- Къызбайны юйюне дери сюрсенг, батыр болур.
- Кёзю сокъурдан – къоркъма, кёлю сокъурдан – къоркъ.
- Байма, деб да, къууанма, джарлыма, деб да, джылама.
- От этилмеген джерден тютюн чыкъмайды.
- Халкъны джырын джырласанг, халкъ санга эжиу этер.
- Айраннга суу къош, телиге джол бош.
- Аз сёлешген, къайгъысыз турур.
- Тюзлюк тас болмайды.
- Къартха ушагъан джаш – акъыллы, джашха ушагъан къарт – тели.
- Къарнынг бла ёч алма.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Эм ашхы къайын ана мамукъ бла башынгы тешер.
- Бети бедерден, намыс сакълама.
- Адамны аманы адамны бети бла ойнар.
- Айныгъанлы алты кюн, тогъайгъанлы тогъуз кюн.
- Окъдан джара эртде-кеч болса да бителир, сёз джара, ёмюрге къалыр.
- Тешик этген тынчды, аны джамагъан къыйынды.
- Арбаз къынгырды да, ийнек сауалмайма.
- Эки ойлашыб, бир сёлешген.
- Джолунга кёре – джюрюшюнг, джагъанга кёре – юлюшюнг.
- Адам къыйынлыгъын кёлтюрюр, зауукълугъун кёлтюрмез.
- Мал ёлсе, сюек къалыр, адам ёлсе, иши къалыр.
- Баргъанынга кёре болур келгенинг.
- Акъыллы эркиши атын махтар, акъылсыз эркиши къатынын махтар.
- Биреуню къыйынлыгъы бла кесинге джол ишлеме.
- Ат да турмайды бир териде.
- Къаллай салам берсенг, аллай джууаб алырса.
- Эки къатын алгъан – эки ташны ортасына башын салгъан.
- Хатерли къул болур.
- Тойгъан антын унутур.
[ Закрыто ] Hadisi...........
Читают тему (гостей: 1)