- Чомарт къонакъ юй иесин сыйлар.
- Баргъанынга кёре болур келгенинг.
- Байдан умут эте, джарлыдан ёгюз багъасы къорады.
- Тил – кесген бычакъ, сёз – атылгъан окъ.
- Бетинги сатма, малынгы сат.
- Кёбню кёрген – кёб билир.
- Билеги кючлю, бирни джыгъар, билими кючлю, мингни джыгъар.
- Сёз – кюмюш, джыр – алтын.
- Тай асырагъан, атха минер.
- Къайтырыкъ эшигинги, къаты уруб чыкъма.
- Эки ойлашыб, бир сёлешген.
- Къыз чыгъаргъан – къызыл къымжа.
- Борчунг бар эсе, хурджунунга ойлаб узал.
- Аш кетер да бет къалыр.
- Джолда аягъынга сакъ бол, ушакъда тилинге сакъ бол.
- Джыланны къуйругъундан басарынг келсе, аны башы болгъанын унутма.
- Тас болгъан бычакъны сабы – алтын.
- Къонакъ болсанг, ийнакъ бол.
- Аманнга да, игиге да оноусуз къатышма.
- Кёзю сокъурдан – къоркъма, кёлю сокъурдан – къоркъ.
- Игиге айтсанг – билир, аманнга айтсанг – кюлюр.
- Аш берме да, къаш бер.
- Ачлыкъда тары гырджын халыуадан татлы.
- Ауурну тюбю бла, дженгилни башы бла джюрюген.
- Къазанда болса, чолпугъа чыгъар.
- Чабакъ башындан чирийди.
- Эл элде бирер малынг болгъандан эсе, бирер тенгинг болсун.
- Айранны сюйген, ийнек тутар.
- Терслик кетер, тюзлюк джетер.
- Тюзлюк тас болмайды.
- Алма терегинден кери кетмез.
- Aдам боллукъ, сыфатындан белгили.
- Ашхылыкъ джерде джатмайды, аманлыкъ суугъа батмайды.
- Тойгъа барсанг, тоюб бар, эски тонунгу къоюб бар.
- Эки къатын алгъан – эки ташны ортасына башын салгъан.
- Эрине къаргъыш этген къатын, эрнин къабар.
- Эринчекни эр алмаз, эр алса да, кёл салмаз, кёл салса да, кёб бармаз!
- Ойнай билмеген, оюн бузар.
- Чакъырылмагъан джерге барма, чакъырылгъан джерден къалма.
- Этни да ашады, бетни да ашады.
- Эте билген, этген этеди, эте билмеген, юретген этеди!
- Иги болса, тамадама – махтау, аман болса, меннге – айыб.
- Къулакъдан эсе, кёзге ышан.
- Акъыллы айтыр эди, акъылсыз къоймайды.
- Адеб базарда сатылмаз.
- Бек ашыкъгъан меннге джетсин, дегенди аракъы.
- Ач келгенни – тойдур, кеч келгенни – къондур.
- Окъуусуз билим – джокъ, билимсиз кюнюнг – джокъ.
- Джауумдан сора, кюн кюйдюрюр, ётюрюкден сора, айыб кюйдюрюр.
- Гитче джилтин уллу элни джандырыр.
Создание мусульманской общины в г. Железнодорожный
Читают тему (гостей: 1)