- Битмегеннге сакъал – танг.
- Бюгюн дуния кибик, тамбла ахыратды.
- Аллахдан тилесенг, кёб тиле.
- Мураты болгъанны джюрек тебюую башхады.
- Ётген ёмюр – акъгъан суу.
- Къарын къуру болса, джюрек уру болур.
- Шекер бла туз – бир болмаз, ушамагъан – юй болмаз.
- Аманнга алтын чыдамаз.
- Ким бла джюрюсенг, аны кёзю бла кёрюнюрсе.
- Башы ишлегенни, ауузу да ишлер.
- Аман къатын алгъан, арыр, иги къатын алгъан джарыр.
- Кёбге таш атма.
- Акъыл аздырмаз, билим тоздурмаз.
- Тюкюрюк баш джармаз, налат кёз чыгъармаз!
- Суугъа – таянма, джаугъа – ийнанма.
- Джыланны къуйругъундан басарынг келсе, аны башы болгъанын унутма.
- Тамчы таш тешер.
- Чакъырылгъанны аты, чакъырылмагъанны багъасы болур.
- Рысхы – насыбха къор.
- Ашхы болсанг, атынг чыгъар, аман болсанг, джанынг чыгъар.
- Чалманны аллы къалай башланса, арты да алай барады.
- Кёлсюзден сёзсюз тууар.
- Дуния малгъа сатылма, кесингден телиге къатылма.
- Тёгюлген тюгел джыйылмайды.
- Ичимден чыкъды хата, къайры барайым сата?
- Ат да турмайды бир териде.
- Эркишини аманы тиширыуну джылатыр.
- Келинни – келгинчи, бёркню кийгинчи кёр.
- Къазанда болса, чолпугъа чыгъар.
- Аджаллыгъа окъсуз шкок атылыр.
- Сёз – кюмюш, джыр – алтын.
- Ойнаб айтсанг да, эслеб айт.
- Эм ашхы къайын ана мамукъ бла башынгы тешер.
- Тешигини къатында, чычхан да батыр болур.
- Насыб бютеу халкъны юлюшюдю.
- Джангыз терек къынгыр ёсер.
- Сабыр джетер муратха, сабырсыз къалыр уятха.
- Эртде тургъан бла эртде юйленнген сокъуранмаз.
- Тыш элде солтан болгъандан эсе, кесинги элде олтан болгъан игиди!
- Бал – татлы, балдан да бала – татлы.
- Олтуруб кёрюнмей эди да, ёрге туруб кёрюне эди.
- Зар адам ашынгы ашар, кесинги сатар.
- Айраннга суу къош, телиге джол бош.
- Кёб джат да, бек чаб.
- Къыз келсе, джумуш эте келеди, къатын келсе, ушакъ эте келеди.
- Ата Джуртча джер болмаз, туугъан элча эл болмаз.
- Дуния мал дунияда къалады.
- Аджашхан тёгерек айланыр.
- Сыфатында болмагъаны, суратында болмаз.
- Келгинчи, къонакъ уялыр, келгенден сора, къонакъбай уялыр.
Создание мусульманской общины в г. Железнодорожный
Читают тему (гостей: 1)