Навигация

Elbrusoid.org

Словарь

Чомартны къолун джокълукъ байлар.
Ашаса, ашамаса да, бёрюню ауузу – къан.
Чабакъгъа акъыл, табагъа тюшсе келеди.
Хар сёзню орну барды.
Рысхы – сют юсюнде кёмюк кибикди.
Мал кёб болса, джууукъ кёб болур.
Ач келгенни – тойдур, кеч келгенни – къондур.
Алтыда кюлмеген, алтмышда кюлмез.
Суу кетер, таш къалыр.
Айран тёгюлсе, джугъусу къалыр.
Тели турса – той бузар.
Эркишини аманы тиширыуну джылатыр.
Билимли ёлмез, билимсиз кёрмез.
Керилген да, ургъан кибикди.
Адамны джюреги нени кёрюрге сюйсе, кёзю да аны кёрюрге ёч болады.
Эркиши – от, тиширыу – суу.
Атынг аманнга чыкъгъандан эсе, джанынг тамагъынгдан чыкъсын.
Къонакъ кёб келюучю юйню, къазаны отдан тюшмез.
Къумурсхала джыйылсала, пилни да джыгъадыла.
Биреу ашаб къутулур, биреу джалаб тутулур.
Тили узунну, намысы – къысха.
Мухар, кеси тойса да, кёзю тоймаз.
Эр абынмай, эл танымаз.
Адеб джокъда, намыс джокъ.
Тамчы таш тешер.
Юйлю уругъа ит чабмаз.
Ётюрюкню къуйругъу – бир тутум.
Босагъагъа джууукъ орун болса, ашыгъыб тёрге озма.
Ёлмесенг да, къарт дамы болмазса?
Таукел къуру къалмаз.
Джылар джаш, атасыны сакъалы бла ойнар.
Чакъырылмай келген къонакъ сыйланмай кетер.
Къолунгдан къуймакъ ашатсанг да, атаны борчундан къутулмазса.
Ашхылыкъ джерде джатмайды, аманлыкъ суугъа батмайды.
Эл ауузу – элия.
Ашхы тенг джолгъа салыр, аман тенг джолдан тайдырыр.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Адамны бетине къарама, адетине къара.
Ашлыкъ – бюртюкден, джюн – тюкден.
Уллу атлама – абынырса, уллу къабма – къарылырса.
Ат басханны джер билед.
Кюн кёрмеген, кюн кёрсе, кюндюз чыракъ джандырыр.
Ашда уялгъан – мухар, ишде уялгъан – хомух.
Биреуге кёлтюрген таягъынг, кесинги башынга урур.
Ата Джуртун танымагъан, атасын да танымаз.
Сёз – кюмюш, джыр – алтын.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Къызын тута билмеген, тул этер, джашын тута билмеген, къул этер.
Джолунга кёре – джюрюшюнг, джагъанга кёре – юлюшюнг.
Эки итни арасына сюек атма, эки адамны арасында сёз чыгъарма.