Аудио :: Аудио:: Занкишиев Марат

Мухардан ач ычхынмаз.
Бёрю да ач къалмасын, эчки да ашалмасын.
Айырылмаз джууугъунга, унутмаз сёзню айтма.
Къайгъы тюбю – тенгиз.
Суу да къайтады чыкъгъан джерине.
Нёгерсизни джолу узун.
Ичимден чыкъды хата, къайры барайым сата?
Байны къызы баймакъ болса да, юйде къалмаз!
Кийим тукъум сордурур.
Ёлген аслан – сау чычхан.
Кёбге таш атма.
Накъырданы арты керти болур.
Аш берме да, къаш бер.
Джюрек кёзден алгъа кёрюр.
Биреуге аманлыкъны тилеме да, кесинге ашхылыкъны тиле.
Къайтырыкъ эшигинги, къаты уруб чыкъма.
Кёпюр салгъан кеси ётер, уру къазгъан кеси кетер.
Сёз сёзню айтдырыр.
Борчунг бар эсе, хурджунунга ойлаб узал.
Ач къарынны, токъ билмез
Азыкъ аз болса, эртде орун сал.
Чыкълы кюнде чыкъмагъан, чыкъса къуру кирмеген.
Эринчекни аурууу – кёб.
Чёбню кёлтюрсенг, тюбюнден сёз чыгъар.
Магъанасыз сёз – тауушсуз сыбызгъы.
Ашхы тенг джолгъа салыр, аман тенг джолдан тайдырыр.
Сагъышы джокъ – джукъучу, акъылы джокъ – къаугъачы.
Джахил болса анасы, не билликди баласы?
Джарлыны эшигин махтагъан джабар.
Аз сёлеш, кёб ишле.
Къонакъ хазыр болгъанлыкъгъа, къонакъбай хазыр тюлдю.
Ана къолу ачытмаз.
Окъдан джара эртде-кеч болса да бителир, сёз джара, ёмюрге къалыр.
Сабий кёргенин унутмаз.
Джиби бир къат джетмей эди да, эки къат тарта эди.
Игини сыйлагъан адетди.
Къумурсхала джыйылсала, пилни да джыгъадыла.
Билим – акъылны чырагъы.
Суу ичген шауданынга тюкюрме.
Хансыз джомакъ болмаз.
Къарнынг ауруса, ауузунгу тый
Ариу сёз аурууунгу алыр.
Къанны къан бла джуума, аманны аман бла къуума.
Эл тойса, тоймагъан, эл къойса, къоймагъан.
Аман адам этегингден тутса, кес да къач.
Тик ёргени, тик энгишгеси да болады.
Ач къарным, тынч къулагъым.
Аман хансны – урлугъу кёб.
Эллинг бла джау болсанг да, юйюнг бла джау болма.
Рысхысына кёре, джаш ёсер, къышлыгъына кёре, мал ёсер.

Логин:	Регистрация

Пароль:	Забыли пароль?

Запомнить меня

Аудио

Занкишиев Марат

Скачать

Адрес