Аудио :: Аудио:: Чу-чу чуала

Къонакъ аман болса, къонакъбай джунчур
Баш болса, бёрк табылыр.
Тойгъанлыкъ къойгъа джарашады.
Эл тойса, тоймагъан, эл къойса, къоймагъан.
Урама да – ёледи, сатама да – келеди.
Гугурук къычырмаса да, тангны атары къалмаз.
Къыйынлы джети элни къайгъысын этер.
Ата – билек, ана – джюрек!
Кюлме джашха – келир башха.
Ач отунчуну ачыуу – бурнунда.
Аман эсирсе, юйюн ояр.
Сёлеш деб шай берген, тохта деб, сом берген.
Джарлы эскисин джамаса, къууаныр.
Тамырсыз терекге таянма – джыгъылырса.
Сёз садакъдан кючлюдю.
Дуния аламаты сен эсенг да, игиме деб айтма.
Ач, тоймам, дейди, тойгъан, ач болмам, дейди.
Биреуге аманлыкъны тилеме да, кесинге ашхылыкъны тиле.
Тойгъан джерден туугъан джер игиди.
Адеб джокъда, намыс джокъ.
Байны къызы баймакъ болса да, юйде къалмаз!
Хаухну атма, ёнгкючню сатма.
Тёрени джагъы джокъ.
Таула не мийик болсала да, аууш табылыр.
Ауругъан – джашаудан умутчу.
Кёз – сюйген джерде, къол – ауругъан джерде.
Сабийликде юретмесенг, уллу болса – тюзелмез.
Ата – баланы уясы.
Къатын къылыкъсыз, эр тынчлыкъсыз.
Эм уллу байлыкъ – джан саулукъ.
Тили узунну, намысы – къысха.
Чакъырылмай келген къонакъ сыйланмай кетер.
Хантына кёре тузу, юйюне кёре къызы.
Рысхы – сют юсюнде кёмюк кибикди.
Джахил болса анасы, не билликди баласы?
Къайтырыкъ эшигинги, къаты уруб чыкъма.
Джан саулукъ бермей, сан саулукъ бермезсе.
Адам сёзге тынгыла, акъыл сёзню ангыла.
Айырылгъанланы айю ашар, бёлюннгенлени бёрю ашар.
Дженгил джетерикме деб, узун джолну къоюб, къысхасын барма.
Шайтан алдады, тюзлюк къаргъады.
Мал кёб болса, джууукъ кёб болур.
Нёгерсизни джолу узун.
Джангызны оту джарыкъ джанмаз!
Ёпкелегенни ашы татлы болады.
Таукел тауну аудурур.
Атадан ёксюз – бир ёксюз, анадан ёксюз – эки ёксюз.
Суу да къайтады чыкъгъан джерине.
Берекет берсин деген джерде, берекет болур.
Намыс сатылыб алынмайды.

Логин:	Регистрация

Пароль:	Забыли пароль?

Запомнить меня

Аудио

Чу-чу чуала

Скачать

Адрес