Песен: 8 Создан:
06.05.2015 Обновлен:
06.05.2015
| 13 Июня | 2024 года |
Навигация
- Ач да бол, токъ да бол – намысынга бек бол.
- Билеги кючлю, бирни джыгъар, билими кючлю, мингни джыгъар.
- Ишлемеген – тишлемез.
- Джыйырма къойну юч джыйырма эбзе кюте эди.
- Мени джылытмагъан кюн, меннге тиймесин!
- Чабакъгъа акъыл, табагъа тюшсе келеди.
- Тюзлюк тас болмайды.
- Къыз келсе, джумуш эте келеди, къатын келсе, ушакъ эте келеди.
- Аллахдан тилесенг, кёб тиле.
- Джюрек кёзден алгъа кёрюр.
- Окъугъан – асыу, окъумагъан – джарсыу.
- Чакъырылмагъан къонакъ тёрге атламаз.
- Ач уят къоймаз.
- Гитче джилтин уллу элни джандырыр.
- Арыгъан къош чамчы болур.
- Кюн кёрмеген, кюн кёрсе, кюндюз чыракъ джандырыр.
- Къазанда болса, чолпугъа чыгъар.
- Келгинчи, къонакъ уялыр, келгенден сора, къонакъбай уялыр.
- Мал тутхан – май джалар.
- Ишни аллы бла къууанма да, арты бла къууан.
- Суугъа – таянма, джаугъа – ийнанма.
- Алма терегинден кери кетмез.
- Иги сеники эсе да, сюйген кесимикин этеме.
- Джылар джаш, атасыны сакъалы бла ойнар.
- Тюз сёз баргъан сууну тыяр.
- Кёбге таш атма.
- Намыс болмагъан джерде, насыб болмаз.
- Эки ойлашыб, бир сёлешген.
- Босагъа таш юйге кирмей эди, тыбыр таш эшикге чыкъмай эди.
- Чомарт джарлы болмаз.
- Байлыкъ болгъан джерде, тынчлыкъ джокъду.
- Чомартны къолун джокълукъ байлар.
- Башынга джетмегенни сорма.
- Хантына кёре тузу, юйюне кёре къызы.
- Таякъ этден ётер, тил сюекден ётер.
- Арпа, будай – ащды, алтын, кюмюш а – ташды.
- Юйюнг бла джау болгъандан эсе, элинг бла джау бол.
- Башы ишлегенни, ауузу да ишлер.
- Тилде сюек болмаса да, сюек сындырыр.
- Игиге айтсанг – билир, аманнга айтсанг – кюлюр.
- Тыш элде солтан болгъандан эсе, кесинги элде олтан болгъан игиди!
- Сибиртки да сыйлы болду, кюрек да кюнлю болду.
- Иши джокъну, сыйы джокъ.
- Бир онгсуз адам адет чыгъарды, деб эштирик тюлсе.
- Рысхысына кёре, джаш ёсер, къышлыгъына кёре, мал ёсер.
- Эринчекни эр алмаз, эр алса да, кёл салмаз, кёл салса да, кёб бармаз!
- Ариу – кёзге, акъыл – джюрекге.
- Сютден ауузу кюйген, суугъа юфгюре эди.
- Тенгинг джокъ эсе – изле, бар эсе – сакъла!
- Башы джабылгъан челекге, кир тюшмез.
Фонд содействия развитию карачаево-балкарской молодежи «Эльбрусоид»
© 2003-2024 Elbrusoid.org
Все права защищены Законами Гор.
Адрес
- г. Москва, Семеновская пл., 7
тел.: (495) 366-23-54 / 366-39-60
е-mail: elbrusoidmoscow@mail.ru - г. Карачаевск, ул. Ленина, 34а
тел.: (878-79) 2-12-22
е-mail: fond09@elbrusoid.org - г. Нальчик, ул. Ахохова, 92
тел.: (866-2) 77-59-12
е-mail: fond07@elbrusoid.org
|
|
|
|
