Аудио :: Аудио:: Радиопередачи / Radyoberiule

Иги болса, тамадама – махтау, аман болса, меннге – айыб.
Тили узунну, намысы – къысха.
Джылар джаш, атасыны сакъалы бла ойнар.
Бети – къучакълар, джюреги – бычакълар.
Адеб этмеген, адеб кёрмез.
Айтылгъан сёз ызына къайтмаз.
Къулакъдан эсе, кёзге ышан.
Ата джурт – алтын бешик.
Адамны артындан къара сабан сюрме.
Ашхылыкъ джерде джатмайды, аманлыкъ суугъа батмайды.
Джетген къыз джерли эшекни танымаз.
Ат да турмайды бир териде.
Эм уллу байлыкъ – джан саулукъ.
Ишин билген, аны сыйын чыгъарады.
Дуния мал дунияда къалады.
Ариу сёз – къылычдан джити.
Эки къатын алгъан – эки ташны ортасына башын салгъан.
Чабакъсыз кёлге къармакъ салгъанлыкъгъа, чабакъ тутмазса.
Кёб джашагъан – кёб билир.
Мени джылытмагъан кюн, меннге тиймесин!
Насыб бютеу халкъны юлюшюдю.
Билими азны – ауузунда кирит.
Ишни ахырын ойламай, аллын башлама.
Намыс сатылыб алынмайды.
Кёрмегеннге кебек – танг, битмегеннге сакъал – танг.
Тилчи тилден къаныкъмаз.
Атынг аманнга чыкъгъандан эсе, джанынг тамагъынгдан чыкъсын.
Ашхы сёз таш тешер.
Намыс болмагъан джерде, насыб болмаз.
Намысы болмагъанны, сыйы болмаз.
Ариу – кёзге, акъыл – джюрекге.
Адебсиз адам – джюгенсиз ат.
Ётген ёмюр – акъгъан суу.
Хантына кёре тузу, юйюне кёре къызы.
Этни да ашады, бетни да ашады.
Айыбны суу бла джууалмазса.
Билим насыб берир, билим джолну керир.
Тёрдеги кюлсе, эшикдеги ышарыр.
Баланы адам этген анады.
Сескекли кесин билдирир.
Нёгерсизни джолу узун.
Акъыллы – эл иеси, тели – эл баласы.
Ачыу алгъа келсе, акъыл артха къалады.
Джаш болсун, къыз болсун, акъылы, саны тюз болсун.
Чарсда алчыны эл кёреди.
Ата Джуртуму башы болмасам да, босагъасында ташы болайым.
Чомартха хар кюн да байрамды.
Накъырданы арты керти болур.
Гырджын – тепсини тамадасы.
Ауузу бла къуш тута айланады.

Логин:	Регистрация

Пароль:	Забыли пароль?

Запомнить меня

Аудио

Радиопередачи / Radyoberiule

Скачать

Адрес